Azərbaycanda təyyarə yanacaqları ilə bağlı mühüm - Qərar Bu gündən Azərbaycana idxal edilən reaktiv mühərriklər üçün kerosin 90 gün müddətində gömrük idxal rüsumundan azad edilib. “Xalqinfo”nun APA-ya istinadən məlumatına görə, Nazirlər Kabineti bununla bağlı “Azərbaycan Respublikasının ərazisinə gətirilən mallar üzrə gömrük idxal rüsumlarının dərəcələr”inə müvafiq dəyişiklik edib. İndiyə qədər Azərbaycana idxal edilən reaktiv mühərriklər üçün kerosinə gömrük dəyərinin 15 faizi həcmində gömrük idxal rüsumu tətbiq edilib. Nazirlər Kabinetinin “Azərbaycan Respublikasının ərazisinə gətirilən aksizli malların aksiz dərəcələri”nə etdiyi dəyişikliyə əsasən reaktiv mühərriklər üçün kerosin üçün aksiz vergisi 1 ton üçün 80 manatdan 1 manata endirilib. Bu qərar da dərc edildiyi gündən, yəni bu gündən 90 gün müddətində qüvvədədir. |
XƏBƏR LENTİ
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
