Tütünçülüyün inkişafı diqqət mərkəzindədir - VideoBölmə: İqtisadiyyat
Ötən gün prezident İlham Əliyevin sərəncamı ilə 2017-2021-ci illəri əhatə edəcək tütünçülüyün inkişafına dair dövlət proqramı təsdiq edildi. Dövlət proqramında tütün sahələrinin daha da genişləndirilməsi nəzərdə tutulub. Bundan əlavə fermerlərin müxtəlif texnika, aqrokimyəvi vasitələrlə təminatı gözlənilir. Tütün məmulatları istehsal edəcək zavodun tikintisi də gündəmdədir. Xalqinfo.az ""XəzərXəbər”ə"ə istinadən bildirir ki, tütünçülüyün inkişafına dövlət dəstəyi artırılır. Bununla bağlı 2017-2021-ci illəri əhatə edəcək dövlət proqramı təsdiqlənib. Proqramda nəzərdə tutulan məsələlərin icrası üçün İqtisadiyyat və Kənd Təsərrüfatı Nazirliyinə müəyyən tapşırıqlar verilib. Nəzərdə tutulan tədbirlərin icrası barədə ildə bir dəfədən az olmayaraq dövlət başçısına məlumat verilməlidir. Kənd Təsərrüfatı Nazirliyinin bitkiçilik şöbəsinin müdiri İmran Cümşüdov deyir ki, bu sahədə dövlət proqramın qəbul edilməsi tütünçülüyü daha da stimullaşdıracaq İmran Cümşüdovun sözlərinə görə dövlət proqramında nəzərdə tutulan tədbirlərin icrası emal müəssisələrinin xammala olan tələbatının yerli məhsul istehsalı hesabına təmin olunmasına şərait yaradacaq. Dövlət proqramına uyğun olaraq Kənd Təsərrüfati Nazirliyinə məhsul istehsalçilarinin kənd təsərrüfati texnikasi və aqrokimyəvi vasitələrlə təmin edilməsi, seleksiya və toxumçuluq işlərinin, fitosanitar və informasiya-məsləhət xidmətlərinin gücləndirilməsi ilə bağlı zəruri tədbirlər görmək tapşırılıb Ən vacib məqamlardan biri tütün məmulatı istehsal edəcək zavodun tikintisi ilə bağlıdır. Zavodun tikintisi ilə ölkəyə xarici valyuta cəlb etmək olar. Hər il dövlət büdcəsindən sözügedən tədbirlərin reallaşdırılması üçün maliyyə vəsaiti ayrılacaq. |
XƏBƏR LENTİ
10.03.24 10:58 | “Toplum TV” üzərindən yarım milyondan çox vəsait qeyri-qanuni Azərbaycana çatdırılıb
10.03.24 10:38 | Trampın Ukrayna ilə bağlı gizli planı – Bild
10.03.24 10:35 | Zaur Baxşəliyev, Lalə Azərtaş, Tolik, Xoşqədəm Baxşəliyeva, Elgiz Əkbər və Zaur Kamalla bağlı ŞOK YAZI
10.03.24 10:30 | Deputatın oğlu işdən çıxarıldı
10.03.24 10:25 | Tokayev sabah Bakıya gəlir
|