"Azərbaycan Avropa ilə vizanın ləğvi üçün müraciət etməlidir" - Özəl açıqlamaBölmə: İqtisadiyyat
“Azərbaycan viza rejiminin ləğvi ilə bağlı bizə rəsmi müraciət etməyib” Xalqinfo.az xəbər verir ki, bunu özəl açıqlamasında Avropa İttifaqının Azərbaycan Respublikasındakı nümayəndəliyinin birinci müşaviri Denis Daniilidis bildirib. “Avropa İttifaqı ilə vizasız rejim prosesinə start vermək üçün bu istiqamətdə spesifik danışıqlara başlanmalıdır. Azərbaycan tərəfi hələlik bununla bağlı bizə müraciət etməyib. Bu məsələ hazırda Avropa İttifaqı-Azərbaycan arasında gedən danışıqlarla bağlı deyil. Vizasız rejim və yeni saziş tamamilə fərqli anlayışdır. Vizasız rejim üçün Azərbaycan müraciət etməli, quruma üzv olan ölkələrdən mandat əldə etməli və yalnız bundan sonra “Yol xəritəsi” hazırlanmalıdır. “Yol xəritə”sində yer alan texniki şərtlər yerinə yetirildikdən sonra onda biz bu məsələ ilə siyasi danışıqlara başlayacağıq. Lakin bütün bunlar üçün Azərbaycan tərəfi rəsmi olaraq bizə müraciət etməlidir”,-deyə D.Daniilidis vurğulayıb. Xarici işlər nazirinin müavini Mahmud Məmmədquliyev jurnalistlərə açıqlamasında bildirib ki, Azərbaycanla Avropa İttifaqı (Aİ) arasında viza rejiminin ləğvi gələcəyin işidir. Onun sözlərinə görə, hazırda tərəflər viza rejiminin sadələşdirilməsi mərhələsindədir: “Viza rejiminin ləğvi isə gələcəyin işidir. İlk növbədə biz strateji tərəfdaşlıq barədə yeni sazişi icra etməli və müsbət nəticələr almalıyıq. Sonra isə viza rejiminin ləğvi məqsədilə Azərbaycan və Aİ arasında fəaliyyət planını hazırlamaq lazımdır”. Leyla Həsənova |
XƏBƏR LENTİ
10.03.24 10:58 | “Toplum TV” üzərindən yarım milyondan çox vəsait qeyri-qanuni Azərbaycana çatdırılıb
10.03.24 10:38 | Trampın Ukrayna ilə bağlı gizli planı – Bild
10.03.24 10:35 | Zaur Baxşəliyev, Lalə Azərtaş, Tolik, Xoşqədəm Baxşəliyeva, Elgiz Əkbər və Zaur Kamalla bağlı ŞOK YAZI
10.03.24 10:30 | Deputatın oğlu işdən çıxarıldı
10.03.24 10:25 | Tokayev sabah Bakıya gəlir
|