Turizmin inkişafı ilə bağlı yeni layihəBölmə: İqtisadiyyat
Türkdilli Ölkələrin Əməkdaşlıq Şurası tərəfindən "Müasir İpək Yolu" tur-paketinə start verilib. Xalqinfo.az xəbər verir ki, tur-paket turizm sahəsində əməkdaşlıq çərçivəsində həyata keçiriləcək və paketə Türkiyədən başlayaraq Azərbaycan, Qazaxıstan və Qırğızıstana səfər daxildir. Mayın 12-dən media nümayəndələri, Türkdilli Ölkələrin Əməkdaşlıq Şurasının nümayəndələri, hər ölkədən turizm şirkətlətlərinin təmsilçilərindən ibarət ikinci sınaq turu başlayıb. Bu gün Bakıda tur-paketin Azərbaycanla bağlı olan mərhələsinin yekunu ilə bağlı mətbuat konfransı keçirilib. Mərasimdə çıxış edən Əməkdaşlıq Şurasının nümayəndəsi Ceyhun Şahverdiyev bildirib ki, turizm sahəsində əməkdaşlıq razılaşması 4 ölkə başçısının 2014-cü ildə Bodrum görüşündə əldə olunub. Onun sözlərinə görə, layihə üzərində 3 ilə yaxın müddətdə iş aparılır: "İkinci sınaq turu mayın 5-də başa çatıb. 4 ölkəyə 14 gün ərzində səfər ediləcək. Layihə gəlir layihəsindən çox bu ölkələrin dünyaya, bir-birilərinə tanıdılması, İpək Yolu xəttinin təbliği xarakteri daşıyır. Layihə çərçivəsində turizm və iqtisadiyyat sahəsində əməkdaşlıq artacaq. Tur İstanbuldan başlayır və Qazaxıstanda bitir. 2023-cü ilə kimi 1 milyondan artıq turistin bu paketdən yararlanması nəzərdə turulur". Daha sonra çıxış edən Mədəniyyət və Turizm Nazirliyinin Turizm şöbəsinin Planlaşdırma və İnkişaf şöbəsinin müdiri Mahir Qəhrəmov qeyd edib ki, nazirlik bu layihəyə əvvəldən dəstək verib və bundan sonra da davam edəcək: "Layihə mədəni və iqtisadi əlaqələrin inkişafına təkan verəcək". Leyla Həsənova |
XƏBƏR LENTİ
10.03.24 10:58 | “Toplum TV” üzərindən yarım milyondan çox vəsait qeyri-qanuni Azərbaycana çatdırılıb
10.03.24 10:38 | Trampın Ukrayna ilə bağlı gizli planı – Bild
10.03.24 10:35 | Zaur Baxşəliyev, Lalə Azərtaş, Tolik, Xoşqədəm Baxşəliyeva, Elgiz Əkbər və Zaur Kamalla bağlı ŞOK YAZI
10.03.24 10:30 | Deputatın oğlu işdən çıxarıldı
10.03.24 10:25 | Tokayev sabah Bakıya gəlir
|