Rusiyadan Venesuelaya, İrandan Çinə - Dünyanın ən böyük Neft yataqları

Bölmə: İqtisadiyyat

17 fevral 2017 03:00 Baxış: 140 Şərh: 0 Çap

Neft tükənən təbii sərvətlərdən olduğu üçün onun geoloji ehtiyatlarının hesablanması və yeni yataqların kəşf olunması bu xammalı dünyaya çıxaran ölkələr üçün olduqca vacibdir. Bu səbəbdən də hər il geoloji-kəşfiyyat işlərinə onmilyardlarla dollar vəsait xərclənir.

Xalqinfo.az Modern.az-a istinadən dünyanın 10 ən böyük neft yatağını təqdim edir.

1.Əl Qavar (Səudiyyə Ərəbistanı) – 1948-ci ildə Fars körfəzində aşkar olunan yataq 12 milyard ton təsdiqlənmiş neft ehtiyatına malikdir. Hazırda bu neft yatağını Saudi Aramco şirkəti istismar edir.

2. Böyük Burqan (Küveyt) – 1946-cı ildə Fars körfəzində tapılıb. Yataqda 11 milyard ton neftin olduğu ehtimal edilir. Yatağın operatoru Kuwait Petroleum Corp şirkətidir.

3. Bolivar Kostal (Venesuela) – 1917-ci ildə Marakaybo gölündə tapılan neft yatağıdır. 1917-ci ildən istimsar edilən Bolivar Kostalda 8,3 milyard ton neftin olması ehtimal edilir. Yatağın operatoru Petroleos de Venesuela şirkətidir.

4.Yuxarı Zakum (Birləşmiş Ərəb Əmirlikləri) – 1969-cu ildən istimsar olunur. Bu neft yatağı da Fars körfəzində yerləşir və 7 trilyon ton “qara qızıl”a sahibdir. Yataq Yaponiya və ABŞ şirkətləri tərəfindən istismar olunur.

5.Yuxarı/Aşağı Pars (Bəhreyn və İran) – Fars körfəzinin neftlə zəngin bu yatağı iki ölkə arasında bölünüb. 1991-ci ildə ortaq geoloji kəşfiyyat zamanı aşkar olunan yatağı Qatar Gaz və Petropars neft şirkətləri birlikdə istismar edir.

6.Kaşağan (Qazaxıstan) – Son 40 ildə dünyada kəşf olunmuş ən böyük neft yataqlarından biri sayılır. Xəzər dənizində 2000-ci ilin yayında aşkar edilən nəhəng yataq 6,4 milyard ton neft ehtiyatına malikdir. Yatağı Total, Shell və Eni kimi xarici neft şirkətləri istismar edir.

7. Samotlorsk (Rusiya) – 1965-ci ildə Qərbi Sibir torpaqlarında tapılan nəhəng neft yatağıdır. Rusiyanın ən böyük neft yatağı dövlətə məxsus Rosneft şirkəti tərəfindən istismar edilir.

8. Satsin (Çin) – 1959-cu ildən məlum olan yataq ölkənin Sinyalo vilayətinin ərazisindədir və 5,7 milyard ton təsdiqlənmiş karbohidrogen ehtiyatına malikdir. “Qara qızıl” yatağını yerli Petrochina şirkəti istismar edir.

Xalqinfo.az saytı ilə əlaqə üçün E-mail: xalqinfo@mail.ru

Şərh Yaz