Azərbaycan neftindən rekord - 11 milyon barrelBölmə: İqtisadiyyat
Bu ay rekord həcmdə - 11 milyon barrel Azərbaycan xam nefti Asiya ölkələrinə istiqamətlənib. "Xalqinfo" AzərTac-a istinadən xəbər verir ki, Neft İxrac edən Ölkələr Təşkilatına (OPEC) üzv ölkələrin hasilatı azaltması ilə yarana biləcək hər hansı boşluğu doldurmaq üçün Avropa və Çin treyderləri tərəfindən bu ay Asiyaya Şimal dənizi və Azərbaycandan rekord həcmdə - 22 milyon barrel xam neft istiqamətlənib. Şimal dənizindən istiqamətlənən xam neftin həcmi də 11 milyon barrel təşkil edib. Həmin xam neft artıq ya tankerlərdən boşaldılıb, ya da Asiya yolundadır. “Asiyanın xam neftə ehtiyacı var. Avropanın isə bu tələbatı ödəyəcək nefti var. OPEC-in hasilatı azaltması neftin qiymətini qaldırıb ki, bu da Avropa neftinin Asiyaya nəqlini sərfəli edir”, - deyə treyderlərdən biri bildirib. SOCAR-ın Marketinq və İqtisadi Əməliyyatlar İdarəsindən isə bildirilib ki, ötən ilin dekabr ayında SOCAR Asiya istiqamətində 5 milyon barrel, bu ilin yanvar ayında 1 milyon barrel göndərib. Yanvar ayında daha 3 milyon barrel Azərbaycan xam neftinin SOCAR tərəfindən Asiya istiqamətində göndərilməsi nəzərdə tutulur. Əlaqə üçün E-mail: xalqinfo@mail.ru BAKI. Şəfa Rasimqızı Xalqİnfo.az |
XƏBƏR LENTİ
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|