Bolkartlılara özəl - Yeni İl kampaniyaları

Bölmə: İqtisadiyyat

23 dekabr 2016 20:24 Baxış: 181 Şərh: 0 Çap

Bank of Baku, yeni il ərəfəsində Bolkartlılara özəl silsilə yeni il kampaniyalarına start verdi. Bu kampaniyalar yeni ilin gəlişini xaricdə qarşılayanların, sevdiklərinə bayram hədiyyəsi almaq istəyənlərin və sərfəli şərtlərlə yeni il süfrəsi üçün bayram bazarlığı etməyə hazırlaşanların tam ürəyincə olacaq.

“Xaricdə gen-bol xərcləyin, 2 ay sonra ödəyin!” şüarı altında keçirilən ilk kampaniya yeni ili xaricdə qeyd edən Bolkartlılar üçün əsl bayram hədiyyəsi olacaq. Belə ki, 23 dekabr 2016 – 5 yanvar 2017-ci il tarixlərini əhatə edən kampaniya çərçivəsində, Bolkartlı dekabr ayında xaricdə etdiyi istənilən alış-verişin xərcini fevralda, yanvar ayında etdiyi alış-verişin xərcini isə martda ödəmək imkanı qazanacaq. Bu kampaniyadan həmçinin, xarici saytlarda onlayn alış-veriş edən Bolkartlılar da faydalana bilər.

İkinci kampaniya yeni il hədiyyəsi almağa hazırlaşan Bolkartlılar üçün nəzərdə tutulub. Bolkart şəbəkəsinə daxil olan “3, 6, 12 aya ödə” partnyor mağazalarında alınan istənilən malın ödənişinə +1 AY HƏDİYYƏ verilir. Yəni, Bolkartlı etdiyi alış-verişin xərcini opsiyadan asılı olaraq 3 aya deyil 4 aya, 6 aya deyil 7 aya, 12 aya deyil 13 aya ödəyə biləcək. Kampaniya 5 yanvar 2017-ci il tarixinədək keçərlidir.

“Partnyor marketlərdə ürəklə alış-veriş et, 2 ay sonra ödə” şüarı ilə keçirilən üçüncü kampaniya isə bayram alış-verişinə hazırlaşan Bolkartlıların sevincinə səbəb olacaq. Belə ki, Bolkart partnyor şəbəkəsinə daxil olan istənilən marketdə 23-31 dekabr tarixləri arasında edilən alış-verişin xərcini Bolkartlılar yanvarda deyil fevralda, 01-05 yanvar tarixləri arasında etdikləri alış-verişin xərcini isə fevralda deyil martda ödəyəcəklər.

Kampaniyalarda Bolkart kredit kartlarının bütün növləri iştirak edir.

Bolkart şəbəkəsinə daxil olan partnyor mağazalarla bu linkdən tanış ola bilərsiniz.

Əlaqə üçün E-mail: xalqinfo@mail.ru

BAKI. Şəfa Rasimqızı Xalqİnfo.az