Türkiyədəki lüks restoranları daha çox azərbaycanlılar ziyarət edirBölmə: İqtisadiyyat, Dünya
 Xarici turistlər İstanbulda il ərzində bahalı qidaya təxminən 300 milyon dollar xərcləyir. Xalqİnfo.az "APA-Economics"-ə istinadən xəbər verir ki, bunu Turizm Restoran Yatırımçıları Birliyinin sədri Kaya Demirer bildirib. Onun sözlərinə görə, birliyin üzv olan obyektlərin gəlirlərinin 20%-i turistlərin xərcləri hesabına formalaşır. K. Demirer əlavə edib ki, birliyin üzv olan obyektləri il ərzində 35 milyon müştəri ziyarət edir ki, onlardan 85-90%-i türklər, 10-15%-i isə xaricilərdir. "Xarici turistlər İstanbulda il ərzində bahalı (lüks) qidaya təxminən 300 milyon dollar xərcləyir. Müştərilərin mütləq əksəriyyətini türklər təşkil etsə də, xaricilərdən əldə olunan gəlir daha çox olur. Ümumilikdə, bizim obyektləri il ərzində 4-4,5 milyon xarici turist ziyarət edir. İstanbula il ərzində 12-13 milyon turist gəlir. Hər 3 turistdən 1-i bizim birliyə üzv olan obyektləri ziyarət edir. Hər turist bizim obyektlərdə orta hesabla 70 dollar xərcləyir. Son 3-4 il ərzində Türkiyədəki lüks restoranları ziyarət edən turistlərin əksəriyyəti azərbaycanlılardır. Ən çox xərcləyən isə qətərlilərdir", - deyə o bildirib. Xalqİnfo.az |
XƏBƏR LENTİ
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
