Dövriyyədə olan nağd pul kütləsi artıb

Bölmə: İqtisadiyyat

13 iyul 2016 14:39 Baxış: 197 Şərh: 0 Çap

Azərbaycanda dövriyyədə olan nağd pul kütləsi iyun ayının 1-nə 6 244,3 mln. manat təşkil edib.

Xalqinfo.az "Report"un Azərbaycan Mərkəzi Bankına (AMB) istinadən verdiyi məlumata əsasən xəbər verir ki, dövriyyədə olan nağd pul kütləsinin həcmi ardıcıl olaraq 5 aydır artım göstərir. Belə ki, ilin əvvəl ilə müqayisədə nağd pulun həcmi 827,5 mln. manat və ya 15,27% artıb. Keçən ayla müqayisədə isə artım 409,7 mln. manat və ya 7% təşkil edib. Ötən ilin analoji dövrü ilə müqayisədə isə dövriyyədə olan nağd pulların həcmi 885,1 mln. manat və ya 12,4% azalma göstərib.
Qeyd edək ki, dövriyyədə olan nağd pulların Azərbaycanda maksimal həddi 2014-cü ilin iyul ayında 11 144,4 mln. manat həcmində olub. 2016-cı il iyunun 1-də açıqlanan göstərici tarixi maksimal həddən 4 900,1 mln. manat və ya 44% aşağıdır.
"Report" İnformasiya Agentliyi ilin ikinci yarısından etibarən dövriyyədə olan nağd pul həcmindəki artımın dayanacağını və hətta bir qədər azalacağını proqnozlaşdırır. Buna səbəb AMB-nin hazırkı iqtisadi konyunkturada əlavə hesab etdiyi nağd pulun bir hissəsini bazardan çəkmək niyyətidir.

Kainat Şirin

Xalqinfo.az

Şərh Yaz