Əhalinin gəlirləri 12 milyard manatı ötüb- Statistika

Bölmə: İqtisadiyyat

17 may 2014 00:08 Baxış: 516 Şərh: 0 Çap

2014-cü ilin yanvar-aprel aylarında əhalinin gəlirləri əvvəlki ilin eyni dövrü ilə müqayisədə 4,6 faiz artaraq 12,1 milyard manata çatıb, onun hər nəfərə düşən həcmi 1290,7 manat və ya ayda orta hesabla 322,7 manat təşkil edib.

“Xalqinfo” xəbər verir ki, Dövlət Statistika Komitəsinin məlumatına görə, əhalinin hər nəfərinə düşən gəlirlərin artım sürəti istehlak qiymətlərinin bahalaşmasını 1,4 faiz bəndi üstələyərək 3,3 faiz olub.

Bu dövr ərzində gəlirlərin 70,8 faizi son istehlaka, 8,7 faizi vergilər, sosial sığorta və üzvlük haqlarının, 2,4 faizi kreditlər üzrə faizlərin ödənilməsinə, 18,1 faizi isə əmanətlərin və kapitalın artırılmasına yönəldilib.

Əhalinin sərəncamında qalan gəlir 11,0 milyard manat təşkil edərək əvvəlki ildəkinə nisbətən 5,0 faiz artıb.qafqazinfo.

Şərh Yaz