“Bank of Azerbaijan”nın müştəriləri həyacanlıdır- Bank isə susurBölmə: İqtisadiyyat
 qtisadçı ekspert Samir Əliyev "Bank of Azerbaijan" ASC-nin müflis olması ilə bağlı mətbuatda yayılan xəbərlərə münasibət bildirib. “Xalqinfo” xəbər verir ki, o, bu barədə facebook hesabında yazıb. O qeyd edib ki, mətbuatda "Bank of Azerbaijan" ASC-nin müflis olması, işçilərinin ixtisar olunması, filiallarının bağlanması barədə yazılar dərc olunur: “Bank isə susqunluq nümayiş etdirir. Bu da verilən xəbərin həqiqət olduğunu təsdiqləyir. Bank müştəriləri panikadadır. Bankomatlardan pul çıxara bilmirlər. İnsanları sakitləşdirmək üçün heç nə edilmir”. Onun sözlərinə görə, Bank of Azerbaijan sıradan bir bank deyil: “Bankın ölkə üzrə 15 filialı, 38 bankomatı, 1 946 POS-terminalı var. Aktivlərinin həcmi 2014-cü ilin I rübündə 410 milyon manata yaxındır. Bank sektorunda bazar payına görə ilk 15-liyə daxildir. Bankın başına gələnlər ümumilikdə bank sektoru üçün təhlükədir. İnsanlar yavaş-yavaş bank sektoruna etibar etməyə başlayıblar. Bu tipli addımlar onları bank sektorundan qaçırır. 34 milyon manatlıq əmanət təhlükədədir. Üstəgəl bankın korporativ müştərilərinin hesabları təhlükə altındadır. Mərkəzi Bank da susqundur. Sabah insanlar kütləvi şəkildə pullarını banklardan çəksələr bank sektoru çökə bilər. Konkret addımlar atılmalıdır. Bank çoxdandır Ziya Məmmədovun deyil”. Qafqazinfo |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
