Azərbaycanın "Formula" yarışlarında 20 yaşlı yeganə pilotu -
21-04-2017, 18:42. Yerləşdirdi: sefa
Azərbaycanın “Formula” avtoidman yarışlarında yeganə pilotu olan Gülhüseyn Abdullayev Bakıda keçiriləcək Formula-1 yarışına hazırlıq işlərinə cəlb olunub.
Xalqinfo.az xəbər verir ki, “Formula Gulf 1000” yarışlarında qələbə qazanan Gülhüseyn Abdullayev Bakıda keçiriləcək Formula-1 yarışı ilə bağlı təəssüratlarını bölüşüb:
“Bakı Şəhər Halqası çox möhtəşəmdir. İnanıram ki, burada yarış pilotlar üçün çox gərgin keçəcək. Əsasən də 8 və 9-cu döngəni xüsusi ilə qeyd etmək istərdim.
Pilotların bu döngələrdəki mübarizəsini izləmək çox maraqlı olacaq. Həmçinin, pilotlar güclü Bakı küləyini nəzərə almalıdırlar. Çünki belə halda bolidləri idarə etmək çətin olacaq”.
Qeyd edək ki, Gülhüseyn Abdullayevin 20 yaşı var.
Geri qayıt