Millimizin növbəti sınağı
7-01-2015, 12:27. Yerləşdirdi: Esi
Bu gün Rusiyanın Sankt-Peterburq şəhərində keçirilən FİFA-nın I vitse-prezidenti Valentin Qranatkinin xatirəsinə həsr olunmuş XXVII ənənəvi beynəlxalq turnirdə ikinci mərhələyə start veriləcək.Xalqinfo.az qol.az-a istinadən xəbər verir ki, 1997-ci il təvəllüdlü futbolçulardan ibarət Azərbaycan millisi ikinci qrup mərhələsinin H qrupunda Sankt-Peterburq yığma komandası ilə qarşılaşacaq.
Turnirin 1-6-cı yerlər uğrunda mübarizə aparan millimizin oyunu Bakı vaxtı ilə saat 17:30 başlayacaq.
Qeyd edək ki, birinci qrup mərhələsində Yaponiyanı 1:0, Rusiya-2 komandasını 4:2 hesabı ilə məğlub edən yığmamız növbəti mərhələyə qrup lideri kimi yüksəlib.
7 yanvar
H qrupu, I tur
17:30. Sankt-Peterburq - Azərbaycan
Peterburq İdman Konsert Kompleksi
Geri qayıt