Arif Əsədov seçimini etdi

Bölmə: Idman

22 dekabr 2014 16:07 Baxış: 326 Şərh: 0 Çap

Topaz Premyer Liqasında son oyununu dekabrın 18-də “İnter”ə qarşı keçirən və həmin matçın ertəsi günü istirahətə buraxılan “Neftçi”nin qış hazırlıq proqramı bəllidir.

Xalqinfo.az apasport.az-a istinadən xəbər verir ki, yanvarın 6-da Bakıda toplaşacaq komanda 5 gün öz bazasında olacaq.

Bu müddətdə “ağ-qaralar” həkim müayinəsindən keçəcək və onların fiziki hazırlığı yoxlanılacaq. Yanvarın 11-də Antalyaya yollanacaq “Neftçi” ayın 23-nə qədər orada təlim-məşq toplanışı keçəcək. Baş məşqçi Arif Əsədov bu müddətdə 6 yoxlama görüşünün keçirilməsini planlaşdırır. Rəqiblər dəqiq bilinməsə də, oyunların keçiriləcəyi tarix bəllidir.

Belə ki, “Neftçi” yanvarın 14, 17, 20, 21 və 23-də qüvvəsini sınayacaq. Komanda ayın 23-də iki yoxlama görüşü keçirəcək. Yanvarın 24-də vətənə qayıdacaq paytaxt təmsilçisi çempionatın XIX turunun hazırlığına başlayacaq.

Qeyd edək ki, “Neftçi” Topaz Premyer Liqasının XIX turu çərçivəsində yanvarın 31-də AZAL-la qarşılaşacaq.

Şərh Yaz