““Qarabağ” əks-hücumda daha təhlükəli olur” - Tibo KurtuaBölmə: Idman
Çempionlar Liqasının qrup mərhələsinin 5-ci turunda sabah “Qarabağ”ın qonağı olacaq “Çelsi”nin qapıçısı Tibo Kurtua oyunöncəsi mətbuat konfransında iştirak edib. “Xalqinfo” xəbər verir ki, belçikalı qolkiper birbaşa sualları cavablandırıb: - Fiziki və mənəvi olaraq özünü necə hiss edirsən? Nəzərə alaq ki, təyyarədə uzun yol qət etmisiniz və uzun ayaqları təyyarədə yerləşdirmək çətindir... - Uçuş uzun oldu. Ancaq təyyarə rahat idi. Bundan sonra “Liverpul”la oyunumuz var. Sabahkı oyuna tam hazırıq. - İngiltərə vaxtına öyrəşmisiniz. Bu da o deməkdir ki, Bakı vaxtı ilə gecə saat 2-də, 3-də yatacaqsınız? - Həmişəki kimi saat 23:00-da yatacam. Təbii ki, Bakı vaxtı ilə. - Sabah “Qarabağ”la qarşılaşacaqsınız. Ancaq demək olar ki, siz daha çox “Liverpul” barədə düşünürsünüz? - Biz tam olaraq sabahkı oyuna köklənmişik. Düzdür, bu komanda ilə oyunumuzda böyük hesabla qalib gəldik. Ancaq nəzərə alaq ki, bu, “Qarabağ”ın ÇL-də ilk oyunu idi. Bu matçdan sonra “Roma” ilə qarşılaşmada yaxşı təsir bağışladılar. “Atletiko” ilə isə iki dəfə heç-heçə etdilər. - Necə düşünürsüz, sabah Bakıdan 3 xalla ayrıla biləcəksiniz? - Hədəfimiz budur. Favorit bizik. Bu oyunda qələbə bizə növbəti mərhələyə vəsiqəni təmin edəcək. Çalışacağıq ki, erkən qola imza atıb, rəqibi təzyiq altında saxlayaq. - Növbəti mərhələyə qrup 2-cisi kimi vəsiqə qazanmaqdan qorxmursunuz ki? - Biz ilk növbədə vəsiqəni təmin etmək barədə düşünürük. Bundan sonra 1-ci və ya 2-ci yeri tutmaq barədə düşünə bilərik. Ümumiyyətlə, ÇL-in 1/8 final mərhələsində asan rəqib olmur. Elə ola bilər ki, 1-ci olub, növbəti mərhələdə çətin rəqiblə düşək. Hazırda bu barədə düşünmürük. - “Qarabağ” barədə nə deyə bilərsiniz? Sizcə, komanda necə oldu ki, “Atletiko”ya iki oyunda da uduzmadı? Ümumiyyətlə, “Qarabağ”ın hansı xüsusiyyətlərindən çəkinirsiniz? - “Qarabağ” ilk oyundan sonra daha yaxşı təsir bağışlamağa başladı. Əsasən hücumçuları daha yaxşı təsir bağışlamağa başladı. Bu komanda xüsusilə, əks-hücumda daha təhlükəli olur. Fikrimcə, öz oyunumuzu sərgiləsək, “Mançester Yunayted” və “Vest Bromviç”lə oyunlardakı kimi qələbə qazana bilərik. - Bu, Bakıya ikinci səfərinizdir. Bundan öncə “Atletiko” ilə səfər etmişdiniz. Bu şəhər sizin yadınızda necə qalıb? - 4 il bundan əvvəl burda olmuşduq. Ümumiyyətlə, burda 3 dəfə olmuşam. Mədəniyyətiniz, insanların mehriban olmasını xüsusi qeyd edərdim. Ümid edirəm ki, sabahkı oyun hər iki tərəf üçün uğurlu olar. - Yeni müqavilə barədə nə deyə bilərsiniz? - Daha çox öz oyunum üzrəində düşünürəm. Bu məsələ ilə menecerim məşğul olur. Bu barədə nə isə deyə bilmərəm. Mövsümün sonunda bu məsələyə qayıdacağıq. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|