AFFA-dan Rəşad Sadıqova sürpriz

Bölmə: Idman

03 oktyabr 2017 23:22 Baxış: 116 Şərh: 0 Çap

Çexiya yığmasına qarşı 2018-ci il dünya çempionatının seçmə qrup matçından əvvəl Qarabağ"ın futbolçusu Rəşad Sadıqovun Azərbaycan milli komandası ilə vida mərasimi təşkil olunacaq.

Xalqinfo.az AFFA-ya istinadən xəbər verir ki, AFFA-nın baş katibi Elxan Məmmədovun sözlərinə görə, canlı yayıma təsadüf etdiyindən, tədbir elə də uzun müddətli nəzərdə tutulmayıb. E.Məmmədov AFFA rəhbərliyinin Rəşad Sadıqova sürpriz hazırladığını da açıqlayıb: "2015-ci il oktyabrın 10-da İtaliya ilə Avropa çempionatının seçmə qrup oyunundan əvvəl də buna bənzər tədbir təşkil etmişdik. Həmin mərasim Rəşad Sadıqovun Azərbaycan millisində 100-cü oyununu keçirməsi ilə əlaqədar idi. Bu dəfə isə oyundan əvvəl yolasalma mərasimi təşkil edəcəyik. Amma nələrin olacağı qoy, sürpriz qalsın".

Baş katib oyunöncəsi tədbirdən sonra Rəşad Sadıqovun sonuncu dəfə milli komanda forması ilə meydana çıxacağını əlavə edib.

Qeyd edək ki, oktyabrın 5-də Bakı Olimpiya Stadionunda keçiriləcək Azərbaycan - Çexiya matçı saat 20:00-da başlanacaq.

Şərh Yaz