Olimpiya çempionu kənarda qaldı - Millimizin DÇ üçün heyəti açıqlandı

Bölmə: Idman

15 avqust 2017 12:29 Baxış: 104 Şərh: 0 Çap

Güləş üzrə Azərbaycan milli komandasının Fransanın paytaxtı Parisdə keçiriləcək dünya çempionatı üçün heyəti açıqlanıb.

“Xalqinfo” xəbər verir ki, yunan-roma güləşçilərimizdən səfərə 8 pəhləvan yollanacaq. Baş məşqçi Şaban Donat heyətdə Taleh Məmmədov (59 kq), Kamran Məmmədov (66 kq), Rəsul Çunayev (71 kq), Həsən Əliyev (75 kq), Elvin Mürsəliyev (80 kq), İslam Abbasov (85 kq), Orxan Nuriyev (90 kq) və Sabah Şəriətiyə (130 kq) şans verməyi qərara alıb.

Sərbəst güləş üzrə Azərbaycan milli komandasını Fransanın paytaxtı Parisdə keçiriləcək dünya çempionatında 7 idmançı təmsil edəcək.

Baş məşqçi Firdovsi Umudov Mahir Əmiraslanov (57 kq), Hacı Əliyev (61 kq), Ağahüseyn Mustafayev (65 kq), Hacımurad Ömərov (70 kq), Cəbrayıl Həsənov (74 kq), Aleksandr Qostiyev (86 kq) və Aslanbek Alborova (97 kq) şans verəcək. 125 kq çəki dərəcəsindəki Cəmaləddin Məhəmmədov isə zədəli olduğu üçün yarışa aparılmayacaq.

Olimpiya çempionlarından Toğrul Əsgərov dopinq cəzalısı olduğu üçün heyətdən kənarda qalıb. Olimpiya çempionumuz Şərif Şərifov isə çəkisi artırdığı üçün formada deyil. Bu səbəbdən də o, millinin heyətinə daxil edilməyib.

Qeyd edək ki, dünya çempionatı 21 - 26 avqustda təşkil olunacaq. Proqrama əsasən, 21-22 avqustda yunan-Roma, 23-24 avqustda qadın güləşçilər arasında qaliblər müəyyənləşəcək. Sərbəst güləşçilər isə 25-26 avqustda xalça üzərinə çıxacaqlar.

Şərh Yaz