» » Azərbaycanlı boksçu ermənini məğlub edib Rusiya kubokuna sahib çıxdı

Azərbaycanlı boksçu ermənini məğlub edib Rusiya kubokuna sahib çıxdı

Bölmə: Idman
Azərbaycanlı boksçu ermənini məğlub edib Rusiya kubokuna sahib çıxdı
Əslən azərbaycanlı, hazırda Rusiyanın Yekaterinburq şəhərində yaşayan tay boksu üzrə dünya çempionu Tahir Xəlilov növbəti uğura imza atıb. Xalqinfo.az-ın Lent.az-a istinadən məlumatına görə, tay boksu üzrə İjevsk şəhərində keçirilən Rusiya Kubokunun finalında erməni Arutun Ohanesyanı məğlub edən Tahir ölkə kubokuna sahib çıxıb.

Uzun müddətdir ki, bu idman növüylə məşğul olan həmyerlimiz yaşının az olmasına baxmayaraq Rusiyanın tanınmış boksçularından sayılır. Maraqlısı odur ki, Tahir Xəlilov indiyədək keçirdiyi heç bir döyüşdə məğlub olmayıb.

Son döyüşünü isə atası Tağı Xəlilovun yubileyinə həsr edən Tahirin əsas uğurlarından biri də keçən ilin dekabrında tay boksunun vətəni Tailanda WMC I-1 Global kateqoriyası üzrə dünya çempionu olmasıdır.

Yekaterinburqdakı Azərbaycan diasporunun sədri, Şahin Şıxlinskinin Lent.az-a bildirdiyinə görə, Tahir nəinki bu şəhərdə yaşayan azərbaycanlıların, bütün vilayətin, Rusiya Federasiyasının fəxridir.

“Onun adı artıq Avropadan, dünyadan gəlir. Cavan olmasına baxmayaraq artıq dünyanın əsas tay boksçuları onunla hesablaşmaq məcburiyyətindədir. Dünya çempionu olanda sevincimizin həddi-hüdudu yox idi. Ən böyük arzum budur ki, Tahir olimpiya çempionu olsun. O, buna haqq edir. Biz də, şəxsən mənim özüm də diaspora sədri olaraq ona mənəvi və maddi dəstək verməyə hazıram. Tahirin atası Tağı Cavanşir oğlu neçə müddətdir ki, Yekaterinburqda yaşayır. Buradakı azərbaycanlıların ağsaqqalı hesab olunur. Xeyriyyəçi kimi tanınır. Amma Tahir təkcə onun yox, hamımızın oğludur, Azərbaycanın oğludur. Biz onunla fəxr edirik” deyə Şıxlinski bildirib.

Azərbaycanlı boksçu ermənini məğlub edib Rusiya kubokuna sahib çıxdı
Azərbaycanlı boksçu ermənini məğlub edib Rusiya kubokuna sahib çıxdı
Azərbaycanlı boksçu ermənini məğlub edib Rusiya kubokuna sahib çıxdı
Azərbaycanlı boksçu ermənini məğlub edib Rusiya kubokuna sahib çıxdı

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler