“Deyir ki, “Əjdaha, əlinə dəyəndə görmədin?””

Bölmə: Idman

29 noyabr 2016 23:40 Baxış: 157 Şərh: 0 Çap

Xəbər verdiyimiz kimi, Azərbaycan Premyer Liqasının 13-cü turunda “Qarabağ” “Qəbələ”ni 2:1 hesabı ilə məğlub edib.

“Xalqİnfo” xəbər verir ki, oyundan sonra “qırmızı-qaralar”ın futbolçusu Asif Məmmədov jurnalistlərin suallarını cavablandırıb:

- Oyunda hər şey göz qabağında idi. Meydanda əsl mübarizə gedirdi. Yaxşı oyun oldu, hakim də yaxşı olsaydı gözəl olardı. Belə hakimlərlə Azərbaycan futbolu qabağa gedə bilməz. Azərbaycanda ən potensialsız hakim kimi Rəhim Həsənovu görürəm. “Qarabağ”ın futbolçuları ilə də aramızda belə söhbət olub. Rəhim Həəsnov hansı oyuna düşsə, “bardak” olur.

- Penalti epizodu ilə bağlı nə deyə bilərsiz?

- Baş hakimin düz yanındayam, penaltini verəndən sonra köməkçilərindən birinə deyir ki, “Əjdaha, əlinə dəyəndə görmədin?” Belə şey olmaz axı. Həmin epizodda futbolçumuzun ağzı qanayırdı. Top onun sifətinə dəymişdi. Görməmisənsə, niyə vermisən? Deməli, bizə qarşı qərəz var. Gül kimi oyunu korladılar.

- Gərginlik barədə nə deyərdiz?

- Rəqibin futbolçusu artıq-əksik hərəkət etdi. Udmusan, lap yaxşı, təbrik edirəm. Amma qeyr-etik jestlər lazım deyil. Bunu azarkeş etsə, başa düşmək olar. Amma bu hərəkəti futbolçu edirsə, deməli, səviyyəsi o qədərdir.

- Amma etirazlar çoxalırdı...

- Bəli, hamı etiraz edirdi. Gül kimi oyun idi. Etirazlar hakimlə bağlı idi. Çox səviyyəsiz şəkildə matçı idarə etdi. 97 dəqiqə niyə oynamalıyıq?

- Növbəti oyunlara necə hazırlaşacaqsız?

- Biz oyunlara hazırlaşacağıq. Belə oyundan sonra bir az çətin olacaq. Udduğun məqamda hakimin səhvlərinə görə məğlub olursan. Bu, komandanı ruhdan sala bilər. İnşallah toparlanarıq.

- Çempionluq şanslarından danışardız...

- Ümidimizi itirməmişik. “Qarabağ”la da 2 oyunumuz var. Uzun marafon var.

- Maraqlıdır, Rəhim Həsənovla üz-üzə gəlsəz, nə deyərsiz?

- Rəhim Həsənova nə lazımdısa, meydanda dedim.

Əlaqə üçün E-mail: Xalqinfo@mail.ru

BAKI. Şəfa Rasimqızı Xalqİnfo.az

Şərh Yaz