“Messini dayandırmaq üsulunu bilmirəm” - QvardiolaBölmə: Idman
Çempionlar Liqasında qrup mərhələsinin III tur qarşılaşmasında "Manchester City" "Barcelona"nın qonağı olacaq. Xalqİnfo.az "Qafqazinfo"-a istinadən xəbər verir ki, "şəhərlilər"in baş məşqçisi Pep Qvardiola sabiq klubuna qarşı keçirəcəkləri oyunla bağlı fikirlərini bölüşüb. Təcrübəli mütəxəssiz işlərini çətinləşdirən əsas amilin, məhz Messi olduğunu vurğulayıb: "Messinin qarşısını almaq üçün heç bir texnika bilmirəm. Bilsəm, futbolçulara öyrədərdim. 90 dəqiqə uzun müddətdir. Futbolçularıma çoxlu qol epizodu yaratmağı yox, əllərinə düşən şansları dəyərləndirmələrini tapşırmışam. "Barcelona" ilə qarşılaşma bizim üçün öz səviyyəmizi bilmək baxımından çox faydalı olacaq". Qvardiola Messinin İngiltərədə oynamaq istəyi ilə bağlı yayılan söz-söhbətlərə münasibət bildirib: "Ola bilər ki, Messi uşaqları ingilis dilini öyrənsinlər deyə bunu istəsin və ya yeni mühit üçün. Messi "Barca"nı tərk etməyə qərar versə, onu almaq istəyən 7 və ya 8 nəhəng klub olacaq. Ancaq mən bu yay Messi, Neymar, Suarez, Buskets, İniesta və başqaları ilə danışmamışam. Buna əmin ola bilərsiniz". Əlaqə üçün E-mail: Xalqinfo@mail.ru Şəfa Rasimqızı Xalqİnfo.az |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|