Gürcüstan iqtidarı müxalifəti dialoqa çağırırBölmə: GÜNDƏM
Gürcüstanın seçilmiş prezidenti Salome Zurabişvili prezident seçkilərini tanımayan birləşmiş müxalifətin bəyanatına cavab olaraq qeyd edib ki, ultimatum zamanı deyil, demokratiya seçilmiş prezidentin tanınmasını tələb edir. “Ultimatum zamanı deyil. İlk növbədə demokratiya bizim yeni bir iş rejiminə keçə bilməyimiz üçün seçilmiş prezidentin tanınmasını, bu mühiti sakitləşdirməyi, siyasi mühitin olmasını və iş rejiminə keçməyimizi tələb edir.”- deyə Salome Zurabişvili qeyd edib. Birləşmiş müxalifət isə ikinci tur seçkilərinin nəticələrinin etibarsız sayılmasını tələb edir. Gürcüstanın keçmiş prezidenti Georgiy Marqvelaşvili hakim siyasi komandanı müxalifətlə dialoq aparmağa çağırıb. Bu barədə prezident administrasiyasının rəhbəri Georgiy Abaşişvili Georgiy Marqvelaşviliylə və prezident seçilən Salome Zurabişviliylə görüşündən sonra jurnalistlərə bildirib. Abaşişvilinin sözlərinə əsasən dialoq müxalifətin qaldırdığı məsələlər ətrafında aparılmalıdır. “Gürcüstanın prezidenti hakim siyasi komandanı müxalifətlə dialoq aparmağa çağırır. Dialoq müxalifətin qaldırdığı məsələlər ətrafında aparılmalıdır. Prezident bu prosesdə həm siyasi baxımdan həm də institusional baxımdan iştirak etməyə hazırdır.”- deyə Abaşişvili qeyd edib. Tərəflər arasında görüşlərin Georgiy Marqvelaşvili tərəfindən keçirilməsi isə hələ dəqiqləşdirilməyib. |
XƏBƏR LENTİ
10.03.24 10:58 | “Toplum TV” üzərindən yarım milyondan çox vəsait qeyri-qanuni Azərbaycana çatdırılıb
10.03.24 10:38 | Trampın Ukrayna ilə bağlı gizli planı – Bild
10.03.24 10:35 | Zaur Baxşəliyev, Lalə Azərtaş, Tolik, Xoşqədəm Baxşəliyeva, Elgiz Əkbər və Zaur Kamalla bağlı ŞOK YAZI
10.03.24 10:30 | Deputatın oğlu işdən çıxarıldı
10.03.24 10:25 | Tokayev sabah Bakıya gəlir
|