Reklamlarla bağlı yeni qaydalar hazırlanırBölmə: GÜNDƏM
Azərbaycanda açıq məkanda reklam yerləşdirilməsi ilə bağlı yeni qaydalar tətbiq ediləcək. Modern.az-ın məlumatına görə, bununla bağlı “Reklam haqqında” qanuna dəyişiklik təklif edilir. Dəyişikliyə əsasən, 26.1. Açıq məkanda reklam avtomobil yollarının torpaq sahəsində, şəhər, kənd, qəsəbə və digər yaşayış məntəqələrində olan reklam qurğuları üzərində yerləşdirilir. Açıq məkanda ölçülərindən asılı olmayaraq reklam qurğuları tikintisinə, quraşdırılmasına, onlara konstruktiv dəyişikliklərin edilməsinə icazəni Azərbaycan Respublikasının Şəhərsalma və Tikinti Məcəlləsində nəzərdə tutulmuş hallarda və qaydada müvafiq icra hakimiyyəti orqanının yaratdığı qurum verir. Qanunun 26.2.2-ci maddəsi yeni redaksiyada təklif edilir. 26.2-2. Açıq məkanda reklamın yerləşdirilməsinə icazə almaq üçün reklam yayıcısı, həmçinin: 26.2-2.1 reklam yerləşdirəcək reklam daşıyıcısın sahibi və ya reklam daşıyıcısının yerləşdirəcəyi xüsusi mülkiyyətdə olan daşınmaz əmlakın mülkiyyətçisi ilə həmin əmlakın istifadəsinə dair müqavilə bağlamalıdır; 26.2-2.2 reklam daşıyıcısının bələdiyyə mülkiyyətində olan daşınmaz əmlakda yerlşdiriləcəyi təqdirdə həmin əmlakın istifadəsinə dair bələdiyyə ilə müvafiq icra hakimiyyəti orqanının yaratdığı qurum arasında bağlanılacaq müqavilədən irəli gələn məbləği həmin quruma ödəməlidir. Həmçinin “Reklam haqqında” qanuna yeni 26.2-3-cü maddə əlavə edilir. Yeni maddəyə əsasən, 26.2-3. Reklam yayıcısı açıq məkanda reklam yayımına görə bu Qanunun 35.3-cü maddəsinə uyğun olaraq, müvafiq icra hakimiyyəti orqanının yaratdığı quruma haqq ödəyir. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|