» » PA-nın sabiq şöbə müdiri:

PA-nın sabiq şöbə müdiri: “Bir də mənə zəng etməyin”

Bölmə: GÜNDƏM
PA-nın sabiq şöbə müdiri:
PA-nın Humanitar siyasət məsələləri şöbəsinin sabiq müdiri Fatma Abdullazadə: “Danışmağa heç bir sözüm yoxdur”

Bu il iyunun 1-də Prezident Administrasiyasının strukturunda yeni dəyişikliklər gerçəkləşdirildi, bəzi kadr islahatları həyata keçirildi.

Bu dəyişiklik nəticəsində Prezident Administrasiyasında bir sıra vəzifəli şəxslər işdən azad edildi ki, onlardan biri də uzun illər Humanitar siyasət məsələləri şöbəsinin müdiri postunda çalışan Fatma Abdullazadə oldu.

F.Abdullazadə işdən çıxarılandan sonra Prezident Administrasiyasının Humanitar siyasət məsələləri şöbəsinin müdiri vəzifəsi hələ ki boş qalır və bura yeni təyinat gerçəkləşməyib.

PA-nın sabiq şöbə müdiri:

Xatırladaq ki, 69 yaşlı Fatma Abdullazadə uzun illərdir - 1993-dən 2017-ci il iyunun 1-dək Prezident Administrasiyasının Humanitar siyasət məsələləri şöbəsinin müdiri vəzifəsini tuturdu.

Fizika-riyaziyyat elmləri doktoru olan xanım Abdullazadə 1993-2005-ci illərdə Azərbaycan Respublikası Prezidentinin İcra Aparatının Humanitar siyasət şöbəsinin müdiri vəzifələrində çalışıb.

Azərbaycan prezidentinin 19 iyul 2005-ci il tarixli sərəncamı ilə Prezident Administrasiyasının Humanitar siyasət məsələləri şöbəsinin müdiri vəzifəsinə təyin edilmişdi.

Son günlər Fatma Abdullazadə ilə bağlı müxtəlif məlumatlar yayılır. Ona yeni vəzifə veriləcəyi də yayılan xəbərlər sırasındadır.

Modern.az saytı Fatma Abdullazadə ilə əlaqə saxlamağa çalışıb və buna nail olub.

Saytın əməkdaşı ondan hazırda nə işlə məşğul olduğunu soruşub. Öz növbəsində Fatma Abdullazadə yalnız bunları deyib: “Nə dünyanın düz, nə də əyri vaxtlarında hansısa suala cavab vermişəm. Düşünürəm ki, danışmağa heç bir sözüm yoxdur. Zəng edib maraqlandığınıza görə çox sağ olun. Amma xahiş edirəm, bir də mənə zəng etməyin!”

Administrasiyanın keçmiş şöbə müdiri bundan artıq heç nə demək istəməyərək, telefonu qapadıb.

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler