Marqvelaşvili Poroşenkodan Saakaşvilinin geri qaytarılmasını istəməyəcəkBölmə: GÜNDƏM
Gürcüstan prezidenti Giorgi Marqvelaşvili Ukraynanın dövlət başçısı Petro Poroşenkonun Tbilisiyə qarşıdakı səfəri zamanı Gürcüstanın sabiq prezidenti Mixeil Saakaşvilinin ekstradisiyası mövzusuna toxunmaq niyyətində deyil. Xalqinfo.az "Report"-a istinadən xəbər verir ki, bu barədə bu gün keçirdiyi brifinqdə Gürcüstan prezidentinin mətbuat katibi Eka Mişveladze bildirib. "Hər iki ölkə üçün əsas məsələlərin nəzərdən keçiriləcəyi Ukrayna prezidentinin Gürcüstana səfəri əhəmiyyətlidir. Qarşıdakı görüşün ilkin gündəliyinə belə məsələ salınmayıb, Marqvelaşvilinin özü də bu məsələni qaldırmağı planlaşdırmır", - E.Mişveladze vurğulayıb. Qeyd edək ki, Poroşenkonun Gürcüstana səfəri iyulun ortalarına planlaşdırılır. Ötən həftə Gürcüstanın baş prokurorunun keçmiş müavini və Saakaşvilinin Ukraynadakı silahdaşı David Sakvarelidze Ukrayna hökumətinin Saakaşvilinin ekstradisiya edilməsi məsələ ilə bağlı Gürcüstanın hakim partiyasının lideri, milyarder Bidzina İvanişvili ilə danışıqlar apardığını söyləyib. Bundan əvvəl isə Ukrayna baş prokurorunun müavini Yebgeni Yenin Saakaşvilinin artıq Ukrayna vətəndaşı olduğunu və bu səbəbdən onun Gürcüstana ekstradisiyasının qeyri-mümkün olduğunu bildirib. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|