ABŞ ən təhlükəli ordusunu döyüşə göndərir -
14-12-2017, 23:07. Yerləşdirdi: sefa
ABŞ müasir dünyada ən təhlükəli ordu hesab olunan “kiber əsgərləri”ni gün üzünə çıxarır.
Publika.az xəbər verir ki, Pentaqon bu əsgərləri “düşmən” hesab edilən ölkələrin kompüter sistemlərini ələ keçirmək məqsədilə münaqişə bölgələrinə göndərəcək.
İqamətgahı Havay adalarında olan “kiber ordu”nun komandiri mayor Robert Ryan bildirib ki, silahlı qüvvələrin vəzifəsi “hücum et və yox et” məntiqi üzərində qurulduğu üçün, “kiber ordu”nun dövriyyəyə girməsi fərqli mənzərə yaradacaq.
Mayor Villiam hartman isə deyir ki, son altı ayda “kiber əsgərlər”in silahlı qüvvələrə inteqrasiya edilir.
“Nyu-York Times” nəşri yazır ki, CYBERCOM daha əvəl İŞİD terror təşkilatının içinə yerləşdirdiyi “ötürücülər” vasitəsilə ABŞ ordusunu təşkilatın davranışları və planları haqda ətraflı məlumatlar toplayıb.
Qeyd edək ki, Kiber Komandanlığı ABŞ-ın Strateji Komandanlığına tabe idi. Lakin prezident Donald Trampın avqust ayında Pentaqona verdiyi təlimatdan sonra “kiber ordu” prezidentin əmrinə keçdi.
Geri qayıt