Türkiyədə 16 yaşlı gəlin 18 yaşlı ərini güllələdi
23-07-2017, 12:15. Yerləşdirdi: sefa
Türkiyənin Kahramanmaraş rayonunun Afşin qəsəbəsində 16 yaşlı gəlin T.E. əri Osman Kalenderi güllələyib.
“Xalqinfo” Türkiyə mətbuatına istinadən xəbər verir ki, T.E. 4 ay öncə qoşulub qaçdığı Osmanla dini nikahda yaşayıb.
Bir müddət sonra cütlüyün arasında mübahisələr yaranıb və ayrılmaq qərarı alıblar.
Dünən axşam cütlük arasında yenidən mübahisə çıxıb və T.E. ərini silahla vurub. Ağır yaralı halda xəstəxanaya yerləşdirilən Osmanın həyatını xilas etmək mümkün olmayıb.
Hadisə yerindən qaçan 16 yaşlı gəlin başqa bir qəsəbədə saxlanılıb.
Faktla bağlı araşdırma aparılır.
Geri qayıt