“Ərdoğanla aramıza kimsə girə bilməz”- Əhməd Davudoğlu

Bölmə: Dünya

08 dekabr 2014 13:32 Baxış: 303 Şərh: 0 Çap

"Ərdoğanla aramıza kimsənin girməsi mümkün deyil. Çox çətin prosesləri birlikdə keçdik. Biz tale yoldaşıyıq”.
aznews.az xəbər verir ki, bu sözləri Türkiyənin Baş naziri Əhməd Davudoğlu Afinadan geri dönərkən jurnalistlərin suallarına cavab verərkən deyib.

Jurnalistin “Prezidentin bəzi açıqlamaları oldu. Bunlardan biri sizinlə hörmətli prezidentin arasının dəydiyi haqda idi. Siz bu barədə nə düşünürsünüz?” sualına Baş nazir belə cavab verib: “Prezidentlə Baş nazir arasında ixtilaf çıxa bilərmi?” sualının cavabı indi çoxlarını düşündürür. Prezidentimiz da bilir, mən də bilirəm. Bunu hər kəsin də bilməsi lazımdır. Belə qəzet xəbərləriylə, şərhlərlə prezidentlə mənim aramıza kimsənin girməsi mümkün deyil. Biz tale yoldaşıyıq. Çox çətin prosesləri birlikdə aşdı. Bizim aramızdakı dostluğun siyasətlə bağlılığı yoxdur”.

“Prezidentlə niyə belə tez-tez görüşürsünüz?” sualını isə Əhməd Davudoğlu çox səmimi cavablandırıb: “Bunlar dövlət ənənəsi içində olan bir görüşdür. Onun xaricində isə hər zaman bir-birimizi axtarıb görüşə bilərik. Necə ki, keçən axşam da birlikdə yemək yedik. Amma bir həftədir görüşmürdük. Mən “Belə olmaz, darıxırıq" dedim. İndi görüşlərimiz davamlı olmur. Bu, təbiidir. Biz hər gün görüşsək, bir böhranmı çıxar? Xeyr”.

Şərh Yaz