ABŞ hərbçiləri yenidən Suriyaya qayıdırBölmə: Dünya
ABŞ hərbçiləri İraqdan Suriyanın şimal-şərqindəki Haseke əyalətinə qayıtmağa başlayıb. "Xalqinfo" xarici KİV-ə istinadən xəbər verir ki, əl-Valid sərhəd məntəqəsindən ölkə ərazisinə daxil olan hərbi kolonu helikopterlər müşayiət edir. İraqın Müdafiə naziri Nəcah əş-Şamari amerikalı həmkarı ilə görüşdən sonra Suriyadan çıxan ABŞ hərbçilərinin dörd həftə ərzində İraq ərazisini tərk edəcəyini bildirmişdi. Qeyd edək ki, Birləşmiş Ştatlar və müttəfiqləri 2014-cü ildən Suriya və İraq ərazisində İŞİD qruplaşmasına qarşı hərbi əməliyyatlar keçirirlər. Türkiyə ordusu Suriyanın şimal-şərqində hərbi əməliyyatlara başladıqdan sonra ABŞ Silahlı Qüvvələri Hələb, Əl-Haseke və Rakka əyalətlərində yerləşən bazaların çoxunu tərk edərək hərbçilərini İraqa aparmışdı. Bununla yanaşı, ABŞ Prezidenti Donald Tramp bildirmişdi ki, Amerika hərbçilərinin müəyyən hissəsi neft yataqlarını qorumaq üçün Suriyada qalacaq. Bir qədər sonra isə Pentaqon neftlə zəngin rayonlara əlavə qüvvələr göndərməyə hazır olduğunu təsdiqləmişdi. Suriyanın neft hasilatının təxminən 90 faizi Fərat çayının şərq sahilində cəmlənib. Bu, əvvəllər İŞİD-in əsas gəlir mənbəyi idi. Oktyabrın 24-də Donald Tramp kürd separatçılarına Suriyada neft yataqları ilə zəngin rayonları tutmağı təklif edib və Amerika kompaniyalarından birinin neft hasilatında onlara yardım edə biləcəyini deyib. Xalqinfo.az |
XƏBƏR LENTİ
10.03.24 10:58 | “Toplum TV” üzərindən yarım milyondan çox vəsait qeyri-qanuni Azərbaycana çatdırılıb
10.03.24 10:38 | Trampın Ukrayna ilə bağlı gizli planı – Bild
10.03.24 10:35 | Zaur Baxşəliyev, Lalə Azərtaş, Tolik, Xoşqədəm Baxşəliyeva, Elgiz Əkbər və Zaur Kamalla bağlı ŞOK YAZI
10.03.24 10:30 | Deputatın oğlu işdən çıxarıldı
10.03.24 10:25 | Tokayev sabah Bakıya gəlir
|