» » Çikaqoda Respublika Günü qeyd olundu

Çikaqoda Respublika Günü qeyd olundu

Bölmə: Dünya
Çikaqoda Respublika Günü qeyd olundu
ABŞ-ın Çikaqo şəhərində Azərbaycan Xalq Cümhuriyyətinin yaranmasının 99-cu ildönümünə həsr edilmiş mərasim keçirilib.

Publika.az xəbər verir ki, başda televiziyanın qurucusu və rəhbəri Əhməd Obalı olmaqla Güney Azərbaycan Televiziyası (GünAz TV) kollektivi tərəfindən keçirilən mərasim Azərbaycan Xalq Cümhuriyyətinin qurulması və GüAz TV-nin təsis edilməsinin növbəti ildönümünə həsr olunub.
Tədbirə Çikaqo və Amerika Birləşmiş Ştatlarının digər bölgələrində yaşayan 200-dən çox soydaşımız qatılıb. Onların əksəriyyəti Güney və Quzey Azərbaycan, Türkiyə və Kərkük türkləri olub.
Tədbir Azərbaycan himnin ifası ilə başlayıb. Daha sonra Ə.Obalı çıxış edərək, ingilis dilində Azərbaycan Xalq Cümhuriyyətinin özəllikləri barədə mərasim iştirakçılarına geniş məlumat verib, Şərqdə və islam dünyasında ilk demokratik respublikanın Azərbaycanda qurulmasının tarixi əhəmiyyətindən, Azərbaycan Xalq Cümhuriyyətində söz azadlığı və insan haqlarının təmin edilməsi və qısa müddətdə görülən digər mühüm işlərdən bəhs edib.
GünAz TV rəhbəri çıxışının digər hissəsində Azərbaycan türkcəsində mərasim iştirakçılarına öz təşəkkürünü bildirib və bundan sonra da Məhəmməd Əmin Rəsulzadənin yolunun davam etdiriləcəyini söyləyib.
Məhəmməd Əmin Rəsulzadənin Azərbaycan üzərində dalğalandırdığı bayrağın daha heç zaman enməyəcəyini və Azərbaycan səmasında hər zaman dalğalanacağını deyən Ə.Obalı, gələn il Cümhuriyyətin 100-cü ildönümünün daha təntənəli şəkildə Çikaqoda qeyd olunacağını bildirib.
Mərasimdə şam ziyafəti təşkil edilib, milli rəqslər və Azərbaycan musiqisi ifa olunub.

Leyla Həsənova

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler