Cinsiyyətlərini dəyişib evləndilər - FOTO

Bölmə: Dünya

01 aprel 2017 23:58 Baxış: 183 Şərh: 0 Çap

Bu gün dünyada transseksual cütlüklərin sayı artmaqda davam edir. Orqanizmdə hormonal pozuntular bir çox problemlərə gətirib çıxarır ki, onlardan biri də cinsiyyət pozuntusudur.

Xalqinfo.az "Daily Mail"-a istinadən xəbər verir ki, İrlandiyanın cənub-qərbində yerləşən Xerli şəhərinin sakinləri olan Ceymi və Xloyi əvvəllər iki dost olublar.

14 yaşında olarkən Ceymi hiss edib ki cinsi maraqları digərlərindən fəqrlənir. O, bu barədə dostu Xloyiyə danışır. Bir-birinə dəstək olan hər iki dost cinsiyyətini dəyişib.

2015-ci ildə keçirdikləri əməliyyatdan sonra boylu-buxunlu sarışın xanıma çevrilən Ceymi artıq həyatını qadın olaraq davam etdirir. Onun əksinə, dünyaya qız olaraq gələn Qarri Matyuz isə cinsiyyətini dəyişərək oğlan olub.

İllər sonra bir-birini tapan iki transseksual cütlük artıq uzun müddətdir ki, birlikdədir. 24 yaşlı Ceymi və Qarri uşaq sahibi olmaq üçün yumurta hüceyrələrini və spermalarını dondurmaq qərarına gəliblər.

İrlandiyalı mütəxəssislərin fikrinə görə, bu, mümkün olarsa, onlar İrlandiya tarixində övlad sahibi olmuş ilk transseksual cütlük olacaqlar.

Dünyada bu tip hadisələr birmənalı şəkildə qarşılanmır. İrlandiyalı gənclərlə yanaşı bu gün sosial şəbəkələrlədə minlərlə transseksual insanlar paylaşımlar edir. Qəbulolunmaz hesab edilən bu kimi halların günümüzdə aktuallaşmasının səbəbi məhz cəmiyyətdi.

Bir neçə transseksual cütlüklər arasında keçirilən sorğuda, cütlüklər cəmiyyətin onlara necə dəyər verdiyini önəmsəmədiklərini deyiblər:" Biz normal ailələrdən seçilmirik. Biz həyatda çoxlarının edə bilmədiyi riskli addımları atmışıq. Həyat bu və ya başqa halda onsuz da çətin yaşanılır. Ən azından biz geri qalan həyatımızı istədiyimiz kimi,sevdiyimiz insanların yanında keçiririk. Dünyaya kim olaraq gəldiyin önəmli deyil, kim olaraq yaşamaq istədiyin önəmlidir."