“Məhkəmənin qərarı ABŞ-ın milli təhlükəsizliyinə təhdiddir” TrampBölmə: Dünya
Sietl federal məhkəməsinin qərarı ABŞ-ın milli təhlükəsizliyinə təhdiddir. "Xalqinfo"nun APA-ya istinadən xəbərinə görə, bunu ABŞ prezidenti Donald Tramp özünün “Tvitter” hesabında yazıb. “İnana bilmirəm ki, necə hakim Ceyms Robart ölkəmizi təhlükə altına ata bilərdi. Hər hansı xoşagəlməz hadisə baş verərsə, o zaman Robart və məhkəmə sistemi günahkar olacaq”, D.Tramp yazıb. Fevralın 4-də ABŞ-ın Sietl federal məhkəməsi prezident Donald Trampın miqrasiya siyasətini sərtləşdirən fərmanının icrasını müvəqqəti təxirə salıb. Qərar Vaşinqton və Minnesota ştatları tərəfindən qaldırılan iddia əsasında hakim Ceyms Robart tərəfindən qəbul olunub. Bütün ölkə ərazisində qüvvədə olan məhkəmə qərarı ABŞ hökumətinə yeni fərmanın şamil olunduğu şəxslərin deportasiyasını qadağan edir. ABŞ Apelyasiya Məhkəməsi Ədliyyə Nazirliyinin Sietl məhkəməsinin prezident Donald Trampın immiqrasiya fərmanının icrasının dayandırılmasına dair qərarından verdiyi apelyasiya şikayətini rədd edib. Qeyd edək ki, D. Tramp ötən həftə İraq, İran, Suriya, Sudan, Yəmən. Liviya və Somali vətəndaşlarının 90 gün ərzində ABŞ-a daxil olmasının qadağan edilməsi barədə fərman imzalayıb. Bundan əlavə, D. Tramp qaçqınların ABŞ-da yerləşdirilməsi barədə proqramı 120 gün müddətində dayandırıb. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|