Türkiyə təyyarəsi qəzaya düşdü - 37 ölü+Yenilənib “Türk Hava Yolları”na məxsus olduğu deyilən təyyarə qəzaya düşüb. “Xalqinfo” xəbər verir ki, yük təyyarəsi Qırğızıstanın paytaxtı Bişkekdə qəzaya uğrayıb. Hadisə nəticəsində 32 nəfərin öldüyü bildirilir. *** Qırğızıstan mətbuatının yazdığı xəbərə görə, qəza “Manas” aeroportu yaxınlığında baş verib. Boing 747 yük təyyarəsi təxminən 15 evi dağıdıb, 27 yerli sakin və 5 ekipaj üzvü ölüb. Ölənlər arasında uşaqların da olduğu bildirilir. Uçuş marşrutu Honkonq-Bişkek-İstanbul istiqamətində olub. Qəzanın baş verdiyi əraziyə FHN rəhbəri, Nəqliyyat və yollar naziri, o cümlədən baş nazirin müavini yollanıb. *** Qırğızıstanın nəqliyyat naziri Jamşitbek Kalilov təyyarənin qəzaya düşməsinin ilkin səbəblərini açıqlayıb. Onun sözlərinə görə, təyyarə hava limanındakı enmə zolağına düşə bilməyib. Nazir onu da qeyd edib ki, təyyarənin texniki nasazlıqdan, yoxsa hava şəraitinə görə qəzaya düşməsi barədə isə araşdırılma aparılmadan cavab vermək mümkün deyil. *** Qırğızıstan FHN-nin son məlumatına qəza nəticəsində 37 nəfər ölüb. Əlaqə üçün E-mail: xalqinfo@mail.ru BAKI. Şəfa Rasimqızı Xalqİnfo.az        
|
XƏBƏR LENTİ
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
