Bəşər Əsəd istefa verməyə hazırdır - Prezidentdən açıqlama Suriya prezidenti Bəşər Əsəd istefa verməyə hazır olduğunu bəyan edib. “Xalqinfo” anspress-ə istinadən xəbər verir ki, İranın "Khabar TV" telekanalına müsahibə verən Əsəd Suriya münaqişəsinin həlli üçün istefa verə biləcəyini bildirib. “Əgər mənim gedişim münaqişəni həll edəcəksə, mən şübhəsiz ki, bunu edəcəm” – deyə Bəşər öz mövqeyini ifadə edib. Suriya prezidenti qeyd edib ki, kimin prezident olacağını xalq müəyyən etməlidir. O xatırladıb ki, ötən il baş tutan prezident seçkilərində ölkə əhalisi onun namizədliyini dəstəkləyib. “Mənim istefamın münaqişənin həllinə müsbət təsir göstərəcəyinə inananlar, seçkilərdə iştirak edərək öz mövelərini sübut etməyə çalışmalıdırlar. Biz buna etiraz etmirik”,- deyə Əsəd vurğulayıb. Əsəd həmçinin qeyd edib ki, Suriyada bütün əməliyyatlar terrorçuluğun ləğvinə yönəldilib. “İstənilən siyasi qərar üçün ölkədə sabitlik vacibdir." Suriya liderinin sözlərinə görə, rəsmi Dəməşq müxalifətlə siyasi dialoqa hazırdır, lakin üsyançılar terrorçulara heç cür təsir edə bilməzlər. Bəşər Əsəd Suriya prezidenti postuna ilk dəfə 2000-ci ildə seçilib. 3 iyun 2014-cü ildə prezident seçkilri zamanı seçici səslərinin 88,7 % qazanan Əsəd bu vəzifəyə 3-cü dəfə seçilib. Lakin seçkilərin vətəndaş müharbəsi şəraitində keçirildiyindən, Suriyadaki müxalifəti dəstəkləyən bir sıra ölkə nəticələri tanımayıb. Suriyada vətəndaş müharibəsi "Ərəb baharı" hadisələri fonunda 2011-ci ildə başlayıb. 2013-cü ildən etibarən Suriya ərazisində fəaliyyət göstərməyə başlayan İŞİD silahlı qruplaşması vəziyyəti bir az da gəlizləşdirib. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
