Türkiyənin daha 3 bölgəsindən Azərbaycana quş məhsullarının idxalı dayandırıldı

Bölmə: Dünya

07 may 2015 11:56 Baxış: 212 Şərh: 0 Çap

Türkiyənin daha 3 bölgəsindən Azərbaycana quş məhsullarının idxalı dayandırıldı

Dövlət Baytarlıq Nəzarəti Xidməti Türkiyədə yayılan "quş qripi"nə görə yeni sərəncam verdi
Kənd Təsərrüfatı Nazirliyi yanında Dövlət Baytarlıq Xidməti Türkiyədə yayılan “quş qripi” xəstəliyi ilə əlaqədar daha bir qərar qəbul edib.

DBNX-nın mətbuat xidmətindən lent.az-a verilən məlumata görə, xidmət rəisi Sialə Rüstəmova Türkiyə ərazisində toyuqlar arasında yüksək patogenli “quş qripi”nin yayılması ilə əlaqədar dünən imzaladığı sərəncama əlavə və dəyişiklik haqqında yeni sərəncam imzalayıb. Sərəncama əsasən, Türkiyənin daha üç bölgəsində - İnegöl, Qaraböyük və Kastamonuda quş qripinin yayılması ilə əlaqədar həmin ərazilərdən diri quş, quş məhsullarının və eləcə də damazlıq yumurtaların idxalına müvəqqəti məhdudiyyət tətbiq edilib. Beləliklə, Türkiyə Respublikasının müvəqqəti məhdudiyyət tətbiq edilən bölgələrin (Balikəsir, Kütahya, Bursa, İzmit, Bandırma, Çanaqqala, Berqama, Akhisar, Manisa, İnegöl, Qaraböyük və Kastamonu) sayı 12-yə çatıb.

Kənd Təsərrüfatı Nazirliyi yanında Dövlət Baytarlıq Nəzarəti Xidməti bildirir ki, ölkəmizin quş qripi xəstəliyindən qorunması üçün bütün zəruri tədbirlər görülür və hazırda “quş qripi” xəstəliyinə görə respublikamızda epizootik vəziyyət sabitdir.

Şərh Yaz