Moskvada yaşayan azərbaycanlı ailə İŞİD-ə qoşulmaq üçün Suriyaya getdiBölmə: Dünya
 Onlar 1 yaşlı körpələrini də özləri ilə aparıblarRusiya paytaxtında yaşayan azərbaycanlı ailə İŞİD-ə qoşulmaq üçün Suriyaya yollanıb. Bu barədə apa-ya dekabrın 31-dən itkin düşən Azərbaycan vətəndaşı Türkan Hüseynovanın əmisi Cavanşir Hüseynov bildirib. Onların sözlərinə görə, Azərbaycan vətəndaşı, 1993-cü il təvəllüdlü Hüseynova Türkan Fərhad qızı həyat yoldaşı, Rusiya vətəndaşı Hacımurad Həmidov və ailənin 1 yaşlı övladı Səfiya Həmidova ilə 2014-cü il dekabrın 31-də evdən çıxıb, bir daha geri qayıtmayıb: "Onlar itkin düşəndən sonra iki dəfə ailələri ilə əlaqə saxlayıblar. Türkan və Hacımurad ailələrinə fərqli məlumatlar veriblər. Belə ki, Türkan Türkiyənin Antalya şəhərində, Hacımurad isə İstanbulda olduqlarını bildirib". C.Hüseynov onların axırıncı dəfə yanvarın 1-də valideynləri ilə “skype” vasitəsi ilə danışdıqlarını söyləyib: "Onlar İŞİD-ə qoşulmaq üçün Suriyaya gedəcəklərini bildiriblər. Onlar sabah zəng edəcəklərini desələr də, o vaxtdan nə zəng ediblər, nə də internetə giriblər. Qorxuruq ki, onlar Türkiyə vasitəsi ilə Suriyaya keçib, İŞİD-ə qoşulsunlar". Əmi onların Moskvadan Ankaraya təyyarə ilə uçduqlarını, daha sonra isə İstanbula getdiklərini deyib: "Türkan Hüseynovanın atası İstanbulda Azərbaycan Baş Konsulluğunun əməkdaşları ilə də görüşüb”. Qeyd edək ki, Hacımurad Həmidov Dağıstan sakinidir, azərbaycanlıdır. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
