Vəkil: “Lapşin ümid edir ki, azadlığa çıxacaq”Bölmə: DÜNƏNDƏN-BUGÜNƏ, GÜNDƏM
Bakıda həbsdə olan bloqer Aleksandr Lapşin saxlanıldığı 1 saylı Bakı İstintaq Təcridxanasının tibb məntəqəsində vəkili ilə görüşüb. Bu barədə Trend-ə A.Lapşinin vəkili Eduard Çernin məlumat verib. Vəkilin sözlərinə görə, A.Lapşin hazırda tibb məntəqəsində müalicəsini davam etdirir, həkim nəzarətində saxlanılır: "Saxlanma şəraiti və səhhəti normaldır. Səhhətində ağırlaşma yoxdur. Görüş zamanı istintaq materialları barədə danışdıq. O, azadlığa buraxılmasını istəyir. Ümid edir ki, məhkəmə onu azadlığa buraxacaq". Vəkil əlavə edib ki, A.Lapşin barədə başlanmış cinayət işinin istintaqı tam yekunlaşıb və hazırda iş tanışlıq mərhələsindədir. Daha sonra isə materiallar məhkəməyə göndəriləcək. Xatırladaq ki, A.Lapşin bir müddət əvvəl səhhəti ilə bağlı Bakı İstintaq Təcridxanasının rəhbərliyinə müraciət etmişdi. O, təcridxana nəzarətçilərinin müşayiəti ilə Bakıdakı özəl klinikalardan birinə aparılıb və orada müayinə olunub. Müayinə zamanı ona "ürəyin taxikardiyası" diaqnozu qoyulub. Müayinələrdən sonra Lapşin təcridxananın tibb məntəqəsinə köçürülüb. |
XƏBƏR LENTİ
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|