» » Cahanın ən əmin-amanlıq məkanı

Cahanın ən əmin-amanlıq məkanı

Bölmə: Din, BLOK XƏBƏR
Cahanın ən əmin-amanlıq məkanı "Və (xatırlayın) o zaman(ı) ki, İbrahim dedi: "Ey Rəbbim, buranı (bu diyarı) təhlükəsiz və əmin-amanlığı olan bir şəhər et və onun əhalisinə - Allaha və axirət gününə iman gətirənlərə - hər növ meyvə və məhsullardan ruzi ver". Buyurdu: "(Elə də edəcəyəm) və kim kafir olsa, onu bir az bəhrələndirəcək, sonra isə odun əzabına düçar edəcəyəm və ora pis bir qayıdış yeridir!"".

Xalqinfo.az-ın məlumatına görə , Milli.Az deyerler.org-a istinadən bildirir ki, İmam Sadiq (ə) təhlükəsiz diyar barəsində buyurur: "Hər kim hərəmə pənah gətirmək niyyətilə daxil olar, İlahi qəzəbdən amanda olar. Hərəmə daxil olan vəhşi heyvanlar və quşlar hərəmdən çıxmayana qədər təhlükəsizlikdədirlər. Heç kəsin haqqı yoxdur ki, onları ram etsin və ya əziyyət versin". (Tebyan)
Həzrət Peyğəmbər (ə) Məkkənin fəth günündə buyurur: "Allah yerlə göyü yaradan zaman Məkkəni Qiyamət gününə qədər möhtərəm qərar verdi. Heç kəs üçün nə məndən əvvəl və nə də məndən sonra caiz deyildir və olmayacaqdır ki, onun hörmətini sındırsın. Ancaq mənim üçün günün bir saatında icazə verildi ki, onu fəth etmək üçün ordumla ona daxil olam".
Bu ayədən və hədislərdən belə nəticə çıxartmaq olar ki, Məkkə Həzrət İbrahimin (ə) zamanından əvvəl də möhtərəm olmuşdur. Lakin bu ehtiram Həzrətin duasından sonra daha gücləndi.
Bəziləri deyir ki, Məkkə ancaq İbrahimin (ə) duasından sonra möhtərəm olmuşdur. Ondan əvvəl başqa şəhərlər kimi idi. Səbəbini də bu hədislə bağlayırlar. Belə ki, Peyğəmbər (s) buyurur: "İbrahim (ə) Məkkəni möhtərəm etdi, mən isə Mədinəni".
İmam Baqir (ə) yuxarıdakı ayə haqqında buyurur: "Həzrət İbrahimin (ə) öz duasındakı məqsədi bu idi ki, meyvələr bura başqa şəhərlərdən gətirilsin. Sonra da oranın əhalisinin ixtiyarında qərar verilsin".
İmam Sadiq (ə) buyurur: "Həzrət İbrahimin (ə) Məkkə üçün istədiyi meyvə - yeyilən meyvələrdən deyildir. Bəlkə məqsəd insanların ürək meyvəsi, yəni məhəbbət idi. Bu mənada ki, Pərvərdigara! Məkkə camaatını xəlqin sevimlisi qərar ver ki, onlara tərəf gedib-gəlsinlər!".

Kainat Şirin

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler