Mübariz Qurbanlı “Cümə” məscidindəBölmə: Din
 Dini Qurumlarla İş üzrə Dövlət Komitəsinin sədri Mübariz Qurbanlı Siyəzəndə vətəndaşları qəbul edib. ans press-in komitənin mətbuat xidmətinə istinadən verdiyi məlumata görə, Mübariz Qurbanlı martın 29-da Siyəzəndəki Heydər Əliyev Mərkəzində Siyəzən, Xaçmaz və Şabran rayonlarından olan sakinləri qəbul edib. Qəbulda vətəndaşlar əsasən məscidlərin təmiri, dini icmaların fəaliyyəti, onların dövlət qeydiyyatına alınması, dini kitabların və ləvazimatların satışı üçün mağazaların lisenziyası və digər məsələlərlə bağlı müraciət ediblər. Dövlət Komitəsinin sədri Mübariz Qurbanlı vətəndaşların müraciətlərinin bəzilərinin həlli, bəzilərinin isə araşdırılması üçün göstərişlər verib. 15 nəfərədək vətəndaşı qəbul edən komitə sədri bir sıra müraciətləri yerindəcə həll edib. Komitənin səlahiyyətlərinə aid olmayan məsələlərlə bağlı müraciətlər isə baxılması və müvafiq tədbirlərin görülməsi üçün aidiyyəti qurumlara çatdırılmaq məqsədilə qeydiyyata alınıb. Qəbuldan sonra Komitə sədri Siyəzən rayonunda fəaliyyət göstərən dini icmaların üzvləri, ağsaqqallar və gənclərlə görüşüb. Görüşdə Rayon İcra Hakimiyyətinin başçısı Arif Qasımovun da iştirak edib. Daha sonra görüş iştirakçıları Siyəzən şəhərindəki “Cümə” məscidini ziyarət edib, Dini Qurumlarla İş üzrə Dövlət Komitəsi tərəfindən məscidə müvafiq ədəbiyyatlar təqdim olunub. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
