» » “Sosial şəbəkələrdə yayılan məlumatlar araşdırılır”

“Sosial şəbəkələrdə yayılan məlumatlar araşdırılır”

Bölmə: BLOK XƏBƏR
“Sosial şəbəkələrdə yayılan məlumatlar araşdırılır”


“Seçki prosesinin ideal keçdiyini desək, bu utopik bir yanaşma olar. Dünyanın heç bir yerində ideal seçki yoxdur”.

“Xalqinfo” xəbər verir ki, bu sözləri MSK sədrinin müavini Rövzət Qasımov seçkinin hazırkı vəziyyətini şərh edən zaman deyib. Bildirib ki, seçki prosesi çox canlı keçir:

“Seçki maraqlı, emosiyaların tüğyan etdiyi bir prosesdir. Desək ki, namizədlər bir-birinə qarşı tam rəğbətlə yanaşır, bu qeyri-real olar. Ancaq dediyim kimi, bu, bir mübarizədir və burada istər istəməz emosiyalar ortaya çıxır. Biz sosial şəbəkələrdə yayımlanan məlumatları da araşdırırıq. Çox zaman bu şikayətlər bir neçə namizədin əhatəsində tirajlanır. Narazı olan namizədlər, onların müşahidəçiləri bir qədər hərarətlə yanaşır. Namizədlərin qanunları çox səthi bilib nələrsə tələb etmələrinə baxmayaraq seçki dairələrində çox səbirlə onlara davranılır və qaydalar izah olunur. Seçicilər qaynar xəttə müraciət edir ki, namizədlərin nümayəndələri qışqıraraq danışır. Bu qeyri-etik haldır. Bəzən məntəqə seçki komissiyalarının işinə mane ola biləcək hallar yaşanır. Hazırda kifayət qədər şəffaf seçki mühiti maşahidə olur. Hər hansı neqativ halların olması istisna deyil.

Sosial şəbəkələrdə yayılan mənfi və ya müsbət məlumatların özü belə şəffaflığa xidmət edir. 24 siyası partiya 35 mindən çox müşahidəçi ilə bu prosesə qatılıb, 58 ölkədən 880-dən çox xarici maşahidəçi var. Bu böyük rəqəmlərdir və birbaşa seçkinin açıq olmasına xidmət edir”.

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler