Misir Mərdanovun qardaşı sərt danışdı– deyilənlər cəfəngiyatdır

Bölmə: BLOK XƏBƏR, MANŞET

05 dekabr 2014 23:30 Baxış: 2296 Şərh: 0 Çap

Misir Mərdanovun qardaşı sərt danışdı– deyilənlər cəfəngiyatdır

Sabiq təhsil naziri Misir Mərdanovun qardaşı İlham Mərdanov bu gün Gəncə Ağır Cinayətlər Məhkəməsində zərərçəkən Əmiraslan Mustafayev tərəfindən adının hallandırılmasına münasibət bildirib.

İlham Mərdanov Xalqinfo.az-a açıqlamasında hal-hazırda Gəncə şəhərində olduğunu bildirdi və Əmiraslan Mustafayev adlı şəxsi tanımadığını və ona böhtan atıldığını qeyd edib.

“Mənim adımın o şəxs tərəfindən hallandırılması artıq 2-ci dəfədir. Bunu mənə qarşı qərəz hesab edirəm. Məhkəmədə mənim haqda səslənən fikirlər tamamilə yalandır”, - deyə İlham Mərdanov əlavə edib.

Qeyd edək ki, hakim Mübariz Məmmədovun sədrliyi ilə keçirilən prosesdə zərərçəkən Əmiraslan Mustafayev ifadə verib. Zərərçəkmiş ifadəsində sabiq təhsil naziri Misir Mərdanovun qardaşının adını hallandırıb. O, qeyd edib ki, təqsirləndirilən Elman Məmmədova 6 min manat verib. Ə.Mustafayevin sözlərinə görə, Elman Məmmədov onun oğlu Qurban Mustafayevi ali məktəblərdən birinə köçürəcətyinə vəd verib. O, qeyd edib ki, Elman Məmmədov bu köçürülmə prosesini Misir Mərdanovun qardaşı İlham Mərdanovun vasitəsi ilə həyata keçirəcəyini vəd edib.

Şərh Yaz