Aprel döyüşlərinin iştirakçısının dəfn xərcini Heydər Əliyev Fondu öz üzərinə götürdüBölmə: BLOK XƏBƏR
 İntihar etmiş Aprel döyüşlərinin iştirakçısı İmamverdi İsmayılovun dəfn xərcləri dövlət tərəfindən ödəniləcək. Bu barədə Unikal.org-a açıqlamasında Mingəçevir Şəhər İcra Hakimiyyəti başçısının müavini - İctimai-siyasi və humanitar məsələlər şöbəsinin müdiri Hikmət Kərimov məlumat verib. O, bildirib ki, 1990-cı il təvəllüdlü İsmayılov İmamverdi Səxavət oğlunun yas mərasimi ilə bağlı xərcləri Heydər Əliyev Fondu öz üzərinə götürüb. Qeyd edək ki, iyunun 28-də Mingəçevir Şəhər Mərkəzi Xəstəxanasında qıcolma xəstəsi olan övladını xəstəxanaya gətirən ata - 1990-cı il təvəllüdlü İsmayılov İmamverdi Səxavət oğlu uşağın durumundan keçirdiyi narahatlığın psixoloji təsiri altında intihara cəhd edib. O, gözlənilmədən üzərinə benzin tökərək özünü yandırıb.Xəstəxanaya yerləşdirilən aprel döyüşçüsünün həyatını xilas etmək mümkün olmayıb. |
XƏBƏR LENTİ
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
