“Arvadıma "öpüşmə" deyə bilmərəm”Bölmə: BLOK XƏBƏR
 Türkiyəli məşhur aktyor həyat yoldaşının sevişmə səhnələrinin söz-söhbətə səbəb olmasından danışıb.ans press-in məlumatına görə, "Muhteşem Yüzyıl" serialında canlandırdığı Sultan Süleyman obrazı ilə Azərbaycan tamaşaçısına tanış olan aktyor Halit Ergenç həyat yoldaşı Bergüzar Korelin “Karadayı” serialında çəkildiyi öpüşmə səhnələri barədə sualları cavablandırıb. Azərbaycanda da kifayət qədər tamaşaçısı olan Türkiyənin “Karadayı” serialında baş rolları aktrisa Bergüzar Korellə yaraşıqlı aktyor Kənan İmirzalıoğlu oynayır. Serialın bir neçə bölümlərində onların öpüşmə səhnələri olub ki, bu da tamaşaçıların, xüsusilə də sosial şəbəkə istifadəçilərin müzakirə mövzusuna çevrilib. Aktrisanın həyat yoldaşı Halit bütün bu söz-söhbətlərə son qoymaq qərarına gəlib və o, “Posta” qəzetinə bu barədə açıqlamalar verib. Halit Ergenç həyat yoldaşına çəkildiyi film və seriallarda hansısa səhnələrdə çəkilməsi ilə bağlı qadağalar qoymadığını bildirib: “Həyat yoldaşım Bergüzar Korel də, mən də oyunçuyuq. Ona necə “rola görə öpüşmə” deyim? Bu ona inanmadığım mənasını vermir. Mən də ssenariyə uyğun olaraq bir neçə qadınla öpüşmüşəm. Bergüzarın serialında Kənan İmirzalıoğlu ilə öpüşmə səhnələri olur. Millət də başlayır hücum etməyə. Onlara demək istəyirəm ki, mən həyat yoldaşımın arxasındayam.” Qeyd edək ki, Azərbaycan tamaşaçısı Kənan İmirzalıoğlunu "Deli Yürek" və "Acı hayat", Bergüzar Koreli isə "Min bir gecə" serialında oynadığı rollarla tanıyıblar. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
