"Qorxuram ki, ölərəm və dünya çempionatını görmərəm"-Deputat Futbol azarkeşi kimi tanınan deputat Aqil Abbas ölkə futbolundakı problemlərdən danışıb. Xalqinfo.az Haqqin.Az-a istinadən məlumatına görə, deputat Robert Prosineçkinin Azərbaycan millisinin baş məşqçisi vəzifəsində getməsi barədə məlumatlara da münasibət bildirib. “Mən onun soyadını səsləndirməkdə çətinlik çəkirəm”, - Aqil Abbas CBC kanalından “Finiş” proqramında çıxışı zamanı deyib. — O, deyir ki “Bursaspor” və digər klublar onunla maraqlanır... Qulaq as, hara istəyirsən get! Bəli, Azərbaycan yığmasının hazırda hesabında yeddi xal var və millimiz yaxşı oyun nümayiş etdirir. Şimali İrlandiya ilə yaxşı oynadıq. Məğlubiyyətdə isə mən baş məşqçini günahlandırıram. O, oyunu düzgün qurmamışdı. Ümumilikdə milli barədə yalnız müsbət sözlər demək olar, lakin sabah necə olacaq?” Səkkiz komandadan ibarət Azərbaycan çempionatını isə deputat “Bakı birinciliyi” adlandırıb. “Səkkiz klubdan yalnız ikisi regionları təmsil edir — “Qəbələ” və “Kəpəz”. Digərləri paytaxt təmsilçiləridir. “Sumqayıt”ı da Bakı komandası hesab edirəm. Sumqayıt Bakının kəndidir, baxmayaraq ki, 500 min əhalisi var. Niyə Tovuzun varlı insanları rayon təmsilçisinə Premyer Liqada oynamaq üçün kömək etmirlər?” Aqil Abbas hesab edir ki, rayonlarda Olimpiya komplekslərinin tikilməsi Azərbaycanı lazımi sayda idmançılarla təmin etmir. Azərbaycan yığmasından əlavə, “Qarabağ” və “Barselona” klublarına, Braziliya və Türkiyə millilərinə azarkeşlik edən deputat futbola sevgisi barədə danışarkən deyib: “Mən ölməkdən qorxmuram. Hamı öləcək. Mən yalnız qorxuram ki, ölərəm və növbəti dünya çempionatını görmərəm”. Leyla Həsənova |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
