Bakıda özbaşına avtobus marşrutları - SİYAHI - Fotolar

Bölmə: BLOK XƏBƏR

29 sentyabr 2014 11:49 Baxış: 813 Şərh: 0 Çap

Bakıda özbaşına avtobus marşrutları - SİYAHI -

Oxucularımızın Bakının sərnişin nəqliyyatı, xüsusilə də avtobusları ilə bağlı şikayətləri səngimir. Onların dediklərinə və yazdıqlarına görə, sərnişin avtobuslarında sürücülər qanunsuz şəkildə gedişhaqqını özbaşına artırırlar.

Sərnişinlər xüsusilə də 171, 207 və 7 saylı marşrutlardakı avtobuslarla bağlı daha çox şikayətlənirlər.
Belə şikayətlərlə bağlı Nəqliyyat Nazirliyinə müraciət edərək situasiyanın şərh olunmasını istəyəndə hər dəfə "fakt araşdırılacaq" deyilir, amma nədənsə yoxlama və araşdırmanın sonucları barədə sonradan heç bir məlumat verilmir.

Nəqliyyat Nazirliyindən fərqli olaraq İqtisadiyyat və Sənaye Nazirliyi yoxlamaların nəticələri barədə kütləvi informasiya vasitələrinə sürəkli məlumatlar verir. İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti isə zərurət yarananda avtobus marşrutlarında yoxlamalar aparır.

Məsələn, bir qədər əvvəl 24, 31, 50, 67, 72, 109 və 166 saylı avtobuslarda gedişhaqlarının özbaşına artırılması faktları aşkarlanıb. Bu marşrutlarda sərnişinlərdən 5-10 qəpik artıq alınırdı.

Əfsuslar olsun ki, sürücülərin belə özbaşınalıqları indi də davam edir.
Məsələn, 214, 215, 189, 191,160, 106, 113 saylı marşrutlarda sərnişinlərdən nəzərdə tutulmuş 20 və 25 qəpik əvəzinə 30 qəpik alınması barədə şikayətlər var.

Olayı araşdırdıq.

Bəlli oldu ki, 189, 214, 215 saylı marşurtlarda gerçəkdən də sərnişinlərdən 30 qəpik alınır. 191, 160, 106 və 113 saylı marşrutlarda isə qanun pozuntularını aşkarlamadıq.

İqtisadiyyat və Sənaye Nazirliyinin ictimaiyyətlə əlaqələr şöbəsinin rəhbəri Abbas Əliyev əməkdaşımıza dedi: "Şəhərdaxili sərnişin daşımalarının tariflərini yalnız Tarif Şurası müəyyənləşdirir. Sürücülərdən kimsə avtobuslarda gedişhaqqını özbaşına artıra bilməz. Belə hallar olarsa, vətəndaşlardan 195 (2) saylı telefona və ya 498-15-01, 498-15-04 nömrələrinə zəng vurmalarını xahiş edirik".

Bakıda özbaşına avtobus marşrutları - SİYAHI -