Andrey Karaulov Telman İsmayılovu xilas edə biləcəkmi... Həqiqət anı

Bölmə: BLOK XƏBƏR, MANŞET, GÜNDƏM

21 mart 2017 01:00 Baxış: 355 Şərh: 0 Çap

Bu gün rusiyalı aradırmaçı jurnalist Andrey Karaulov azərbaycanlı oliqax-keçmiş milyarder Telman İsmayılovun borcları və onun müflis elan edilməsi ətrafında apardığı araşdırmanın ikinci hissəsini yayacaq.

Xalqinfo.az Virtualaz.org-a istinadən xəbər verir ki, bu barədə Karaulovun “Moment istinı” (“Həqiqət anı”) müəllif proqramının saytında anons verilib. Karaulovun T.İsmayılovun müdafiəsinə yönəlmiş “Ov” sənədli filinin birinci hissəsi bir neçə həftə əvvəl efirə getmişdi. İndi o, “Ov-2”nin anonsunu verib.

Anonsda deyilir ki, “sensasion” sənədli filmdə Telman İsmayılovun biznesinin “VTB Bank” tərəfindən “misli görünməmiş şəkildə reyder üsulu ilə ələ keçirilməsindən” bəhs ediləcək.

“Biz bu unikal əhvalatın yeni təfərrüatları barədə danışacağıq, ölkənin iri və hörmətli bankının necə ölkənin baş reyderinə çevrilməsindən bəhs edəcəyik. Bizim birinci araşdırmamız bankın rəhbərliyi tərəfindən birmənalı qarşılanmadı, indi Telman İsmayılovun şirkətlər qrupunu yeni cinayət işləri ilə hədələyirlər. Bu bespredeldə VTB-nin idarə heyətinin sədri Kostin Andrey Leonoviç hansı rol oynayır?”-Karaulovun anonsunda bildirilir.

Xatırladaq ki, bir neçə gün əvvəl məhkəmə Telman İsmayılovun müflis elan edilməsi barədə qərar çıxarıb. Nəticədə onun milyardlarla dollarlıq kredit borcuna görə banklarda girov qoyulan əmlakının hərrac yolu ilə satılmasının yolu açılıb. T.İsmayılovun o cümlədən VTB Bank-a yüz milyonlarla dollar kredit borcu var. Onun bankla kreditlərin ödənilməsinin vaxtının uzadılması barədə danışıqları nəticəsiz qalıb.

Şərh Yaz