» » Esktrasens məhkəmədə

Esktrasens məhkəmədə NTV kanalına uduzdu

Bölmə: BLOK XƏBƏR
Esktrasens  məhkəmədə  Azərbaycanlı ekstrasens, TNT kanalında yayımlanan “Ekstrasenslərin döyüşü” şousunun altıncı mövsümünün finalçısı Zirəddin Rzayev NTV telekanalını məhkəməyə verib.


Xalqinfo.az Oxu.Az bu barədə xarici KİV-ə istinadən verdiyi məlumata əsasən xəbər verir.

Ekstrasens kanal rəhbərliyinin “Ehtiyatlı olun şarlatanlar: teleekstrasenslər rusiyalılara necə təsir edir?” verilişində onun şəklindən istifadə etmələrinə qəzəblənib. Mənəvi zərərə görə, Zirəddin NTV kanalından beş milyon rubl tələb edib.

O, məhkəmə prosesinin onun xeyrinə həll ediləcəyindən əmin idi, amma yanıldı. Araşdırma zamanı verilişin süjetinin onun şərəf və ləyaqətinə heç bir xələl gətirmədiyi aşkar edilib.

“Teleşirkətin vəkili bildirib ki, onların mənə qarşı münasibətləri pis deyil. Onlar məni yox, başqalarını, yəni süjetdə haqqında danışdıqları adamları fırıldaqçı hesab edirlər. Məni sadəcə məşhur adam kimi göstəriblər, amma nə adımı, nə də soyadımı çəkməyiblər. Adı və soyadı çəkilənləri məhz fırıldaqçılıqda günahlandırırlar”, - deyə ekstrasens bildirib.

Zirəddin özünü məğlub hesab etmir, axı telekanalın rəhbərliyi onun fırıldaqçı olmadığını etiraf edir. Amma məhkəmənin qərarından razı qalmayıb. Rzayevin sözlərinə görə, o, apellyasiya məhkəməsinə müraciət etməyə hazırlaşır.


Xalqinfo.az

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler