Türkiyənin pulsuz işləyən nazirləri 8 nəfər maaşsız işləyirBölmə: BLOK XƏBƏR, MANŞET
 Türkiyənin 8 naziri müftə işləyir. Strateq.az Türkiyə mətbuatına istinadən xəbər verir ki, aralarında baş nazirin müavini Bülənd Arınc və xarici işlər naziri Mövlud Çavuşoğlunun da olduğu bu nazirlər artıq ayyarımdır ki, maaş almadan öz vəzifələrini yerinə yetirirlər. Müftə nazirliyin səbəbi isə xeyli maraqlıdır. ƏİP-in verdiyi 3 dəfədən artıq millət vəkili olmamaq qərarının çanağı bu “binəva” nazirlərin başında çatlayıb. Nəticədə bir çox ölkələrdəki müftəxor nazirlərdən fərqli olaraq millət vəkili seçilə bilməyən bu adamlar indi deputatlıq maaşı ala bilmirlər. Qanuna görə, parlament xaricindən hökumətə cəlb edilmədikləri üçün onların nazir kimi maaş almaq səlahiyyətləri də yoxdur. Yəni "həm Əli aşından, həm də Vəli aşından olan” bu nazirlər, sadəcə, 350 lirəlik nazirlik kompensasiyası alırlar. Həmin nazirlər “müftə xidmət”dən imtina da edə bilməzlər. Çünki ölkə konstitusiyasında “Yeni kabinet müəyyənləşənə qədər mövcud hökumət vəzifəsinə davam edir” imperativ maddə var. Yeni hökumətin nə zaman qurulacağı isə bəlli deyil. Hətta mümkündür ki, Türkiyə təkrar seçkilərə getsin və hökuməti quracaq parlamentin tərkibinin müəyyənləşməsi aylarla uzansın. Nazirlər isə bu zamana qədər ayda 350 lirəylə kifayətlənməlidirlər. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
