Rüşvət alan daha bir yol polisinin videosu yayıldı - (Video)Bölmə: BLOK XƏBƏR
 Facebook sosial şəbəkəsində yol polisinin rüşvət alması ilə bağlı yeni video paylaşılıb. Videodan görünür ki, yol polisi sürücünü saxlayıb. O, sürücüdən pul alaraq cibinə qoyur. Videoda əks olunan yol polisi maşınının dövlət nömrə nişanı YPX 365-dir. Ən qəribəsi isə odur ki, maşının üstündəki nömrə ondan fərqli olaraq 548-dir. Halbuki yol polisi maşınlarında bütün nömrələr eyni olur. Virtualaz.org-un xəbərinə görə, məsələ ilə bağlı Baş Dövlət Yol Polis İdarəsi ictimaiyyətlə əlaqələr şöbəsinin rəisi Kamran Əliyev ANS PRESS-ə bildirib ki, bu barədə hələlik onlarda məlum yoxdur. Onun sözlərinə görə, hələ həmin video ilə tanış olmayıb. Lakin istənilən halda bu qanun pozuntusudur. “Ola bilər həmin video çoxdan çəkilib və həmin əməkdaşımız işdən çıxarılıb. Bəlkə də, təzə çəkilib. Dediyiniz məsələni araşdırarıq”, - deyə K.Əliyev vurğulayıb. Rəisin sözlərinə görə, hazırda Azərbaycanda yol polisi sürücülərdən cəriməni nağd şəkildə ala bilməz. Bu qanunla yolverilməzdir. Əgər hansısa yol polisi vətəndaşdan pul alırsa, həmin şəxs idarəyə mütləq bildirsin. Dərhal rüşvət alan yol polisi cəzalandırılacaq. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
