“Azərenerji” ləğv olunmayıb, lakin...Bölmə: BLOK XƏBƏR
 Ölkə prezidentinin bu gün imzaladığı sərəncamla yeni bir qurum yaradılıb. Sərəncamda qeyd olunur ki, “Bakıelektrikşəbəkə” Açıq Səhmdar Cəmiyyətinin adı dəyişdirilərək “Azərişıq” Açıq Səhmdar Cəmiyyəti adlandırılıb. “Azərenerji” Açıq Səhmdar Cəmiyyəti tərəfindən həyata keçirilən elektrik enerjisi ilə istehlakçıların təmin olunması fəaliyyətinin “Azərişıq” Açıq Səhmdar Cəmiyyətinə ötürülməsinə, o cümlədən istehlakçıların elektrik enerjisi ilə təchizatı üçün zəruri olan və “Azərenerji” Açıq Səhmdar Cəmiyyətinin balansındakı əmlak və digər avadanlıqların “Azərişıq” Açıq Səhmdar Cəmiyyətinin balansına verilməsi üçün tədbirlər görülməsi üçün ölkə başçısı tərəfindən tapşırıq verilib. Prezidentin sözügedən sərəncamından sonra sosial şəbəkələrdə və bir sıra media orqanlarında “Azərenerji”nin ləğvi və sədri Etibar Pirverdiyevin işsiz qalması ilə bağlı məlumatlar yayımlanmağa başladı. Belə məqamda “Qafqazinfo” “Azərenerji” ASC-nin taleyi ilə maraqlanıb. Əldə etdiyimiz məlumata görə, “Azərenerji” ASC ləğv edilməyəcək. Amma bundan sonra Bakıda olduğu kimi, rayonlara da elektrik enerjisi satışına yeni yaradılmış qurum olan “Azərişıq” ASC nəzarət edəcək. “Azərenerji” isə ölkədə elektrik enerjisi istehsalını həyata keçirəcək. Bu isə Etibar Pirverdiyevin səlahiyyətlərinin azaldılması deməkdir. |
XƏBƏR LENTİ
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
ŞƏRH(1)
|
