Hafiz Paşayevin maliyyəçi oğlu - FOTO

Bölmə: BLOK XƏBƏR

14 yanvar 2015 11:34 Baxış: 1329 Şərh: 0 Çap

Azərbaycanda yüksək vəzifələr tutan məmurların, tanınmış simaların övladları ilə bağlı məlumatlar tez-tez media vasitəsilə gündəmə gəlir, kimisi haqda yaxşı sözlər danışılır, kimisi barədə isə əksinə...

Cəmiyyətin bütün təbəqələri kimi, vəzifəli şəxslərin, məşhurların övladları arasında nümunəvi davranışları ilə seçilənlər də var və təbii ki, bunun əksinə olanlar da...

Ümumiyyətlə, məmurların və məşhurların övladları haqqında bilgilər ictimaiyyətə də həmişə maraqlı gəlib - onlar kimdirlər, harda çalışır, nə işlərlə məşğuldurlar...

Modern.az saytı “Məşhurların övladları” adlı rubrikasına davam edir. Bu rubrikada ictimai, siyasi xadimlərin, mədəniyyət, ədəbiyyat, idman və digər sahələrdə tanınmış simaların övladları haqda bilmədiyiniz bilgiləri sizə təqdim etməyə çalışırıq.

Budəfəki təqdimatımız Azərbaycan Respublikasında yüksək dövlət vəzifəsi tutan və kifayət qədər tanınmış şəxsin övladı haqqındadır. Söhbət Azərbaycan Respublikası xarici işlər nazirinin müavini, ADA Universitetinin rektoru Hafiz Paşayevdən və onun oğlu Mir Camal Paşayevdən gedir.

Diplomat, fizika-riyaziyyat elmləri doktoru Hafiz Mir Cəlal oğlu Paşayev 1993-2006-cı illərdə Azərbaycan Respublikasının ABŞ-dakı (eyni zamanda Meksika və Kanadada) fövqəladə və səlahiyyətli səfiri vəzifəsində çalışıb.
1941-ci il mayın 2-də Bakı şəhərində anadan olmuş cənab Paşayev 1963-cü ildə Azərbaycan Dövlət Universitetinin (indiki Bakı Dövlət Universiteti) fizika fakültəsini bitirib.

1964-1967-ci illərdə Azərbaycan Elmlər Akademiyasının Fizika İnstitutunda çalışəb. 1971-ci ildə Moskvada Kurçatov adına Atom Enerjisi İnstitutunun aspiranturasını bitirib.

1971-1992-ci illərdə Azərbaycan Milli Elmlər Akademiyasının Fizika İnstitutunda elmi işçi, laboratoriya müdiri olub. 1975-1976-ci illərdə İrvayn şəhərində yerləşən Kaliforniya Universitetində tədqiqatlarını davam etdirib.
1984-cü ildə Doktorluq dissertasiyasını müdafiə edib, fizika elmləri doktoru elmi dərəcəsinə layiq görülüb.
Qeyd etdiyimiz kimi, 1993-2006-cı illərdə Azərbaycanı diplomat olaraq xaricdə təmsil etmiş Hafiz Paşayev ölkə prezidentinin 14 avqust 2006-cı il tarixli sərəncamı ilə Azərbaycan Respublikası xarici işlər nazirinin müavini – Azərbaycan Respublikası Xarici İşlər Nazirliyinin Diplomatik Akademiyasının rektoru təyin edilib.

Prezidentin 13 yanvar 2014-cü il tarixli sərəncamı ilə Azərbaycan Respublikası Xarici İşlər Nazirliyinin Diplomatik Akademiyasının və İnformasiya Texnologiyaları Universitetinin əsasında “ADA” Universiteti yaradılıb. Digər sərəncamla Hafiz Paşayev "ADA" Universitetinin rektoru təyin edilib.
100-dən artıq elmi əsər, iki monoqrafiya, həmçinin yerli və dünya mətbuatında dərc edilmiş müxtəlif ictimai-siyasi mövzuları əhatə edən onlarla məqalələrin müəllifi olan H.Paşayev ingilis və rus dillərini bilir. Evlidir, iki övladı, dörd nəvəsi var.

Mir Camal Hafiz oğlu Paşayev 1970-ci ildə anadan olub. 1987-ci ildə M.V.Lomonosov adına Moskva Dövlət Universitetinin fizika fakültəsinə daxil olub, 1993-cü ildə isə bu fakültəni bitirib. M.Paşayev 1994-cü ildə Kaliforniya Universitetinin mühəndislik fakültəsinə qəbul olunub və təhsilini bitirdikdən sonra 1996-cı ildə magistr dərəcəsinə yiyələnib.

1996-1998-ci illərdə Vaşinqton şəhərindəki Amerika Universitetinin biznes məktəbində təhsilini davam etdirən Mir Camal Paşayev daha bir magistr diplomu alıb.

1999-cu ildən 2000-ci ilə kimi Azərbaycan Milli Bankında baş ekspert vəzifəsində çalışıb. 2000-2005-ci illər ərzində Avropa Yenidənqurma və İnkişaf Bankında işləyib və maliyyə analitiki vəzifəsindən infrastruktur layihələr üzrə aparıcı bankir vəzifəsinə yüksəlib.

2005-ci ildən başlayaraq M.Paşayev maliyyə sahəsində, həmçinin infrastruktur və telekommunikasiya sahələrində iri investisiya layihələri üzrə müşavir kimi fəaliyyət göstərib. 2007-ci ilin may ayından "PAŞA Bank" ASC-nin Müşahidə Şurasının sədri vəzifəsini tutub.

2013-cü ilin iyun ayının 7-də “Kapital Bank” ASC-nin səhmdarlarının ümumi yığıncağında Bankın Müşahidə Şurasının yeni tərkibi müəyyənləşdirilib. Mir Camal Paşayev “Kapital Bank” ASC-nin Müşahidə Şurasının yeni sədri seçilib.
Hafiz Paşayevin maliyyəçi oğlu -